Murodjon Ahmadaliev amerikalik bokschini nokautga uchratib, kamarlarini himoya qildi (video)

Professional boks boʻyicha ikkinchi yarim yengil vazn (-55,34 kg) toifasida WBA va IBF kamarlari sohibi Murodjon Ahmadaliev (11-0, 8 KO) Toshkent vaqti bilan 26 iyun tongida AQShda navbatdagi jangini oʻtkazdi.

Oʻzbekiston vakiliga amerikalik Ronni Rios (33-4-0, 16 KO) raqib boʻldi. Bellashuvning dastlabki yarmi toʻliq Ahmadalievning ustunligida oʻtdi. 7-raundga kelib, Rios ham faollikni oshirdi.

12-raundda Murodjon ketma-ket zarbalardan keyin raqibini nokdaun holatiga tushirdi. Ikkinchi nokdaundan keyin hakam jangni toʻxtatib, oʻzbekistonlik bokschining gʻalabasini qayd etdi.