Superliganing iyun oyidagi eng yaxshi murabbiyi e’lon qilindi

O‘zbekiston Professional futbol ligasi Superliganing iyun oyidagi eng yaxshi murabbiyi deb "Olimpik" ustozi Timur Kapadze topilganini ma’lum qildi.

Kapadze boshqaruvidagi jamoa o‘tgan oy 4 o‘yin o‘tkazib, ularda 1 g‘alaba va 3 durang qayd etdi. To‘plar nisbati esa - 4:3.

Aytish kerakki, ushbu nomga dav’ogarlar orasida Kapadzedan tashqari Viktor Karpenko (“Bunyodkor” – 2 o‘yin, 1 g‘alaba, 1 durang, to‘plar farqi 4:3), Samvel Babayan (“Navbahor” – 3 o‘yin, 1 g‘alaba, 2 durang, to‘plar farqi 3:2), Slavche Voyneski (“Paxtakor” – 3 o‘yin, 2 g‘alaba, 1 mag‘lubiyat, to‘plar farqi 6:3) va Ro‘ziqul Berdiyev (“Nasaf” – 4 o‘yin, 1 g‘alaba, 3 durang, to‘plar farqi 7:5) kabi mutaxassislar ham bor edi. “Zamin”ni Telegramʻda oʻqing!