Shaxmat Olimpiadasi. O‘zbekiston erkaklar terma jamoasi peshqadamni mag‘lub etib, 1-o‘ringa ko‘tarildi

^{Foto: Shaxmat federatsiyasi}
Hindistonning Chennai shahri mezbonligida o‘tayotgan Butunjahon shaxmat Olimpiadasining 7 avgust kungi bahslari yakunlandi.

O‘zbekiston erkaklar terma jamoasi 9-tur doirasida peshqadam Armanistonga qarshi dona surdi va 3:1 hisobidagi g‘alabani qo‘lga kiritdi. Nodirbek Yoqubboyev, Jahongir Vohidov va Javohir Sindorov o‘z partiyalarini g‘alaba bilan yakunladi. Nodirbek Abdusattorov ishtirokidagi partiya durang bilan yakun topdi. Shamsiddin Vohidov ushbu turda dam oldi.

Mazkur g‘alabadan keyin keyin O‘zbekiston erkaklar terma jamoasi umumiy reytingda 1-o‘ringa ko‘tarilib oldi va chempionlik uchun katta qadam tashladi. Musobaqada yana ikkita tur qolmoqda, mazkur bahslar 8 va 9 avgust kunlari bo‘lib o‘tadi. Keyinroq O‘zbekistonning 8-turdagi raqibi ma’lum bo‘ladi. “Zamin”ni Telegramʻda oʻqing!