Yevropada yozgi transferlar oynasi yakunlanishiga bir necha kun qoldi. O‘zbekistonlik futbol ishqibozlarini Eldor Shomurodov atrofidagi vaziyat qiziqtirmoqda. "Roma" legionerimizning xizmatlaridan foydalanayotgani yo‘q. Joze Mourino asosiy e’tiborni hujum chizig‘iga olib kelingan yangi yulduzlarga qaratmoqda.
Eldor Shomurodovning Italiyadagi faoliyatini qurishida yordam berayotgan taniqli futbol mutaxassisi Valerio Juffrida hamyurtimiz atrofidagi vaziyatni kuzatib borayotgan https://www.euro-football.ru sayti uchun o‘yinchining kelajagi bo‘yicha ma’lumot berdi.
- Yevropada hali transfer oynasi yopilgani yo‘q va shuning uchun ham har nima bo‘lishi mumkin. Ma’lumki, “Roma” Andrea Belottini o‘z safiga qo‘shib oldi va bu ayrim o‘yinchilarga ta’sir qilish e’timoli katta.
Italiyadagi ko‘p klublar Eldor Shomurodovga qiziqish bildirmoqda. Ha, “Bolonya” ham ulardan biri, - dedi Valerio Juffrida.
Joze Mourino mavsumoldi yig‘inlari yakunlanganidan keyin bir necha futbolchilar bilan xayrlashishini va ularga yangi mavsumda imkoniyat berilmasligini aytgandi. Portugaliyalik mutaxassis bir yil muqaddam o‘zi tanlagan Eldor Shomurodovdan ham voz kechishga qaror qilgan. Ma’lumotlarga qaraganda, Joze o‘zbek hujumchisining Portugaliyada o‘tkazilgan asosiy o‘quv-mashg‘ulot yig‘inidagi harakatlaridan qoniqmagan.
Mana, Mourino aytganini qilib, uchta uchrashuv o‘tkazildi hamki, Shomurodovni bir daqiqa ham o‘ynatgani yo‘q.
Rim klubi Shomurodov bilan xayrlashishi mumkinligi haqidagi xabar tarqalgach, hamyurtimizga Italiyaning o‘zidan, Germaniya, Fransiya, Turkiya, Rossiya, Saudiya Arabistoni kabi mamlakatlarning bir necha klublaridan chorlovlar bo‘la boshladi.
Shomurodov Italiyada qolish maqsadida xorij klublarining takliflarini muhokama qilmasligi haqida ham xabarlar tarqatildi.
Italiya klublaridan “Torino”, “Sassuolo”, “Sampdoriya”, “Monsa”, “Salernitana” va “Bolonya” Shomurodovga qiziqish bildirdi. Bu jamoalar orasida “Bolonya”ning maqsadi jiddiy bo‘lib chiqdi va ular anchadan beri Eldor bo‘yicha muzokara olib bormoqda.
“Bolonya” bosh murabbiyi Eldor Shomurodov asosiy hujumchi Marko Arnautovich bilan hujum tandemini tashkil qilishini va yaqin kelajakda yetakchi forvard vazifasini bajarishga qodirligini yuqori baholamoqda.
Bir necha hafta davomida o‘tkazilgan muzokaralarda “Roma” va “Bolonya” ko‘plab shartlar bo‘yicha o‘zaro kelishib oldi. Unga ko‘ra, Bolonya” o‘zbek hujumchisini keyinchalik sotib olish majburiyati bilan bir mavsum ijarada o‘ynatadi.
Yechilmagan yagona masala transfer summasi bo‘lib qolmoqda. Bolonyaliklar 27 yoshli hujumchi uchun 10 million yevro taklif qilyapti. Shomurodovni qo‘lga kiritishda “Jenoa”ga 18 million yevro to‘lagan rimliklar esa kamomad tafovutini kamaytirish uchun 14 million yevro talab qilayotgan edi. Keyinchalik bu summa ikki million yevroga pasaytirilgan bo‘lsa-da, bu variant xaridorlarni to‘liq qoniqtirayotgani yo‘q.
2020 yilning oktabridan beri kuchli beshlik chempionatlaridan biri – A Seriyada to‘p tepib kelayotgan Eldor Shomurodov shu kunga qadar O‘zbekiston, Rossiya va Italiya klublari miqyosida jami 221 ta uchrashuvda maydonga tushib, 45 ta gol va 23 ta assist muallifi bo‘lgan.
Shuningdek, O‘zbekiston milliy terma jamoasida mohir hujumchi 53 ta bellashuvda qatnashib, raqiblar darvozasini 30 bor ishg‘ol qilgan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Organizm o‘zini toksinlardan qanday tozalaydi?
Buyrak salomatligi uchun eng foydali sabzavot...
Donald Tramp 27 yoshli Karolin Levittni Oq uy matbuot kotibi etib tayinlamoqchi
Rossiya armiyasi Kupyanskka kirgani aytilmoqda
Apple dongdor ikki ayfonini rasman eskirgan deb e’lon qildi
AQSH Isroilning ikki vaziriga sanksiya qo‘llamoqchi
AQSH harbiylari orasida o‘z joniga qasd qilish ko‘paydi
Yaxshi pishgan va mazali anor tanlashga yordam beradigan tavsiyalar
