«Spartak» Oston O‘runov bilan shartnomani bekor qildi

^{Foto: «Spartak» FK}
O‘zbekistonlik yarim himoyachi Oston O‘runov «Spartak» bilan amaldagi shartnomasini bekor qildi.

Moskvaliklar matbuot xizmatining ma’lum qilishicha, ikkala tomon o‘zaro kelishuvga ko‘ra mehnat shartnomasini to‘xtatishga qaror qilgan.

21 yoshli futbolchining keyingi jamoasi «Ural» bo‘ladi, deya xabar qilmoqda «RB Sport». «Ural» prezidenti Grigoriy Ivanov bu xabarni tasdiqlagan.

Ostonning «Spartak» bilan shartnomasi 2025 yilga qadar mo‘ljallangandi. Yarim himoyachi 2020 yil yozidan buyon Moskva klubi sharafini himoya qiladi. Futbolchi «qizil-oqlar» safida 9 ta o‘yinda ishtirok etib, bitta gol muallifiga aylangan.
“Zamin”ni Telegramʻda oʻqing!