Vesko Steshevich: "Qachonki siz 4ta gol urar ekansiz, demak g‘alabaga munosib hisoblanasiz"

OKMK - "Metallurg" (2:4) uchrashuvidan so‘ng matbuot anjumanida bekobodliklar bosh murabbiyi Vesko Steshevich fikrlari bilan o‘rtoqlashdi.

"Birinchi o‘rinda raqibga ajoyib o‘yin uchun rahmat aytaman. Ularda bugun ayrim narsalar o‘xshamadi. Biz esa muhim g‘alabani qo‘lga kiritdik. OKMK muxlislari uchun bu yoqimsizdir. Lekin o‘yin yomon o‘tmadi. Rejamiz birinchi bo‘limda ish berdi, 2ta chiroyli gol urdik. Ikkinchi bo‘lim boshida esa ustunlikni OKMKga berib qo‘ydik, deb o‘ylayman. Shunga qaramay yomon o‘ynamadik, yana gol urishimiz mumkin edi. Yigitlar harakat qilishdi. Raqib zarbalarini bloklay olishdi. Qachonki siz 4ta gol urar ekansiz, demak g‘alabaga munosib hisoblanasiz", - deydi Vesko Steshevich.

- "Metallurg" aynan OKMKga qarshi boshqacha "nastroy" qiladi...

- Siz buni mendan yaxshi bilasiz. Biz har bir o‘yinga tayyorgarlik ko‘ramiz. OKMK va "Metallurg" o‘rtasida yaxshi prinsipiallik bor. Bu esa albatta futbolning foydasiga ishlaydi. Agarda bunday bo‘lmaganida bugun chiroyli o‘yin ko‘rmagan bo‘lar edik.

- Bektemir Abdumannonovga nima bo‘ldi?

- U o‘rinbosarlar jamoasida shug‘ullanmoqda.

- Sababi nima?

- Buni hozir batafsil aytishni istamasdim. Bu klubning ichki ishi.

“Zamin” yangiliklarini “Vkontakti”da kuzatib boring