Hozirgina Pro-liganing 19-turi doirasidagi "Xorazm" - "Qo‘qon-1912" uchrashuvi yakunlandi. Unda g‘olib aniqlanmadi, 0:0. Shu orqali "Qo‘qon-1912" chempionlik uchun imkoniyatlarini yo‘qotdi.
Ayni damda turnir jadvali peshqadami bo‘lib turgan "Lokomotiv" bilan oradagi farq 6 ochkoni tashkil qiladi. Ushbu mavsumda poytaxt klubi o‘zaro o‘yinlarda "Qo‘qon-1912"ni ikkala o‘yinda ham mag‘lub qildi. Shu orqali "temiryo‘lchilar" mavsum tugashiga 3 tur qolganida Superliga yo‘llanmasini qo‘lga kiritdi.
Endi chempionlik uchun "Dinamo" hamda "Lokomotiv" kurash olib boradi. Agarda navbatdagi turda "Qo‘qon-1912" o‘z maydonida "Dinamo"ni mag‘lub qilib, "Lokomotiv" "Mash’al" maydonida bir ochkoga ega chiqadigan bo‘lsa, "Lokomotiv" chempionlikni rasmiylashtiradi.
“Zamin” yangiliklarini “Instagram”da kuzatib boring
