09:56 / 03.08.2016
9 285

APLning yangi 5ta yulduzi

APLning yangi 5ta yulduzi
Angliya Premer-ligasi jamoalari mavsum oldidan tarkibni etarlicha kuchaytirishdi. Xususan jahon futboli tan olgan ayrim o‘yinchilar tashrif buyurishdi. Quyida ular to‘g‘risida so‘z yuritamiz.

Zlatan Ibragimovich, “Manchester Yunayted”

PSJda yorqin o‘yinlaridan keyin nihoyat Ibragimovich Fransiyani tark etishga qaror qildi. “Manchester Yunayted” jamoasi ustozi Joze Mourino shvesiyalik forvardni yoniga chorladi. Zlatan Ibragimovich esa ikkilanishlarsiz buni qabul qildi hamda “qizil iblislar” safini to‘ldirdi. Yangi mavsum boshida Ibragimovich APLda yanada qiziqroq o‘tishiga turtki bo‘lishi mumkin.

Nolito, “Manchester Siti”

“Selta” jamoasida to‘purarlik mahoratini ko‘rsatgan Nolito “Manchester Siti”ga o‘tdi. Bu transferni amalga oshirilishida Xosep Gvardiolaning o‘rni va hissasi katta bo‘ldi. Chunki Nolitoga “Barselona” jamoasi tomonidan taklif tushgandi. Lekin Nolito Gvardiola sababli, ikkilanib o‘tirmay, Angliyaga yo‘l oldi. Endilikda u o‘z gollari bilan ingliz muxlislarini quvontirishi kutilmoqda.

Genrix Mxitaryan, “Manchester Yunayted”

Dortmundning “Borussiya” jamoasida o‘zini to‘liq ko‘rsatgan Mxitaryan ham Angliyaga yo‘l oldi. “Manchester Yunayted” jamoasi rahbariyati armanistonlik forvardni sotib oldi. Bu futbolchi ham anchadan beri APLda to‘p surish istagi borligini ma’lum qilib kelgandi. Nihoyat, bu transfer amalga oshdi.

Stiv Mandanda, “Kristal Pelas”

“Marsel” jamoasi darvozaboin Stiv Mandanda Fransiyadagi sarguzashtlarini yakunlab, Angliyaga keldi. Unga “Kristal Pelas” jamoasi tomonidan qiziqish bo‘laverdi. Nihoyat, Stiv bunga rozilik berdi. Alan Pardyu darvoza chizig‘ini kuchaytirish uchun Mandandan xizmatiga tayanmoqda. Ko‘ramiz, APLdagi yangi yulduz o‘zini qanchalik ko‘rsata oladi?

Ilkay Gyundogan, “Manchester Siti”

Maydon markazida keng ko‘lamdagi ishlarni bajarishga odatlangan Gyundogan ham o‘zini kuchliroq ligada sinab ko‘rishga qaror qildi. “Manchester Siti” Ilkayni sotib oldi. U ham ingliz jamoasi bilan shartnoma tuzganidan xursandligini ma’lum qilib o‘tdi. Yangi mavsumda Gyundogan ham APLda o‘zini ko‘rsatishga harakat qilib ko‘radi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Sport » APLning yangi 5ta yulduzi