Fransiya chempionatida “Lans” futbolchilari yangi mavsumda Yevrokuboklarga yo‘llanma beradigan o‘rinlar uchun kurashni davom ettirmoqda.
Hozircha, lansliklar oltinchi o‘rinni egallab turibdi va xalqaro musobaqa chiqish uchun mana shu pozitsiyasini ushlab qolishi kerak.
33-turda Frank Xeyz shogirdlari “Renn” maydonidan bir ochko olib qaytdi. O‘z muxlislari ko‘z o‘ngidagi durangdan keyin mezbonlar Yevrokubok yo‘llanmalari uchun kurashdan chiqdi.
“Lans”dagi vakilimiz Abduqodir Husanov uchrashuvda to‘liq harakat qilib, ishonchli o‘yini bilan mutaxassislar e’tirofiga sazovor bo‘ldi.
Fransiya professional ligasi “Renn” – “Lans” uchrashuvi bo‘yicha quyidagi statistikani taqdim etdi.
- “Renn” uchrashuv davomida 57,1 foiz to‘pga egalik qildi. Ular darvoza tomon jami 16 marotaba zarba yo‘lladi. Umumiy zarbalar soni bo‘yicha “Lans”ning ko‘rsatkichi ikki baravar past. Biroq aniq zarbalar mehmonlarda ko‘proq bo‘ldi. “Lans”da 6 ta, “Renn”da 4 ta.
O‘zaro kurashlarda kichik ustunlik (51,2%) lansliklar tomonida. Ayniqsa, ular yuqoridagi kurashlarda (56,4%) o‘zini ko‘rsatdi.
Uchrashuvda yosh himoyachi Abduqodir Husanovning jonbozligini alohida e’tirof etish lozim. Bu futbolchi oltita yakkakurashdan beshtasida raqibdan ustun keldi.
“Renn” 546 marotaba to‘p uzatdi va aniq paslar 86,8 foizni tashkil qildi. Lansliklarning 411 ta pasining 78,8 foizi manzilga aniq bordi, - deb Fransiya professional ligasi keltirgan statistikani taqdim etdi lensois.com eksperti Klement Kurtua.
“Lans” bosh murabbiyi Frank Xeyz ham o‘yin borasida o‘z fikrini bildirib, Abduqodir Husanovni ham tilga oldi.
- “Renn” bizga muammo tug‘dirdi. Vaziyatni o‘nglash uchun biroz vaqt kerak bo‘ldi, lekin buni uddalay oldik. Raqibning hujumi sifatli va kuchli bo‘lgani bois, birinchi navbatda, yaxshi himoyalanish talab etilardi.
Hujumda esa, texnikasi kuchli o‘yinchilardan samaraliroq foydalanishga harakat qildik. Biz yaxshiroq himoyalana olishimiz va orqa chiziqni mustahkam ushlashimiz mumkinligini ko‘rdim. Bizda yosh o‘yinchilar bor, ular Abduqodir Husanovdan o‘rganishi kerak.
Endi bor e’tiborimizni “Monpele” bilan bo‘ladigan o‘yinga puxta tayyorlanishga qaratamiz. Yevrokuboklarga chiqa olsak, mavsumni muvaffaqiyatli o‘tdi, deyishimiz mumkin, - dedi Frank Xeyz.
“Lans” chempionatdagi so‘nggi uchrashuvini 19 may kuni o‘z maydonida “Monpele”ga qarshi o‘tkazadi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
BAAda isroillik ravvin o‘ldirib ketildi
Medvedev: Maxsus harbiy operatsiya uchun qurollarning aksariyati Rossiyada ishlab chiqariladi
Namanganda olib qochilgan avtomobil «Qamchiq» dovonida to‘xtatildi
Peskov AQSHning amaldagi ma’muriyatini Ukrainadagi vaziyatni keskinlashtirishda aybladi
Xitoy Yaponiya va sakkizta davlat fuqarolariga vizasiz rejimni joriy etadi
Medvedev yadroviy qurol texnologiyasini “AQSH dushmanlariga” berishni taklif qildi
Qozog‘iston prezidenti mahalliylashtirilgan sportchilar sonini kamaytirishga topshiriq berdi
Komil Allamjonovga suiqasdda gumonlanib 5 kishi qamoqqa olindi
