Xalqaro futbol uyushmalari federatsiyasi – FIFA dunyo mamlakatlari terma jamoalarining yangi reyting jadvalini e’lon qildi.
Dunyoning 210 ta mamlakati terma jamoasi kiritilgan ro‘yxatni amaldagi jahon chempioni – Lionel Messi boshchiligidagi Argentina boshqarib turibdi.
Bu gal kuchli uchlikda o‘zgarish bo‘lmadi. Ikkinchi pog‘ona Fransiya terma jamoasiga nasib qilgan bo‘lsa, Belgiya uchinchi pog‘onadagi joyini saqlab qoldi.
Ko‘pinchi birinchi qatorda qayd etilishiga ko‘nikib qolganimiz Braziliya terma jamoasi angliyaliklarni pastga surib, bir pog‘ona ko‘tarildi va dunyo reytingida to‘rtinchi jamoa mavqeini egallab turibdi.
O‘zbekiston milliy terma jamoasi reytingda ko‘tarilishda davom etmoqda. 2023 yilni 68-o‘rinda yakunlagan hamyurtlarimiz 2024 yilning birinchi yarmida barqaror o‘sishga erishyapti. Iyun oyi uchun mo‘ljallangan reytingda Srechko Katanes shogirdlari yana ikki pog‘ona yuqorilab, 62-qatorga chiqib oldi.
Ta’kidlash joizki, futbolchilarimiz iyun oyida ikkita uchrashuv o‘tkazdi. 2026 yilgi jahon chempionati saralash musobaqasi doirasida Toshkentdagi bahsida Turkmanistonni 3:1 hisobida yenggan bo‘lsa, Eron maydonidan golsiz durang bilan qaytdi.
O‘zbekiston milliy terma jamoasining mag‘lubiyatsiz seriyasi 15 ta uchrashuvga yetdi. Hamyurtlarimiz so‘nggi bor o‘tgan yilning sentyabrida AQSH terma jamoasiga qarshi safardagi o‘rtoqlik uchrashuvida 0:3 hisobida yengilgan.
Undan keyingi 15 ta uchrashuvdan o‘ntasida Turkmaniston va Gonkongni ikki marotabadan, Tailand, Hindiston, Falastin, Qirg‘iziston, Xitoy va Vetnamni bir martadan mag‘lubiyatga uchratdi. Shuningdek, Meksika, Qatar, Suriya va Eron bilan ikki bor durang o‘ynadi.
Bugungi kunda O‘zbekiston milliy terma jamoasi safida eng ko‘p gol urgan futbolchi Eldor Shomurodov hisoblanadi. 28 yoshli forvard jami 73 ta uchrashuvda raqiblar darvozasini 40 marotaba ishg‘ol qildi.
Shuningdek, terma jamoaga bir yil muqaddam qo‘shilgan Abbosbek Fayzullayev hozirgi tarkib va Markaziy Osiyoning eng qimmatbaho o‘yinchisiga aylangan.
Transferlarga ixtisoslashgan transfermarkt.world portali ekspetlari 20 yoshli hujumkor futbolchini 6 million yevroga baholamoqda. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Italiya sudi Quddus Isroil poytaxti emasligi haqida qaror chiqardi
2026 yilda bo‘lajak mundialning favoritlari reytingi taqdim etildi
Putin Ukrainadagi obyektga ballistik raketa zarbasi berilganini e’lon qildi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
O‘mon sultonligi elchisi: «Urushlarni harbiy kuch bilan hal qilib bo‘lmaydi»
