Parij Olimpiadasida erkaklar o‘rtasidagi boks bahslarida chorakfinal janglariga start berildi.
Bu bosqichda bokschilarimiz orasida dastlabki jangni -63,5 kg vaznda Ruslan Abdullayev boshlab berdi. U kanadalik Vayat Sanfordga qarshi bahsning birinchi raundida 3:2 hisobida ustun kelgan bo‘lsa, ikkinchi raund xuddi shunday hisob bilan raqib foydasiga hal bo‘ldi.
Hal qiluvchi 3-raundda esa hakamlar Sanfordning 4:1 hisobidagi g‘alabasini qayd etishdi va u kamida bronza medalini naqd qildi. Abdullayev 2-raundda ham ustunlik qilgan bo‘lsa-da, hakamlar qaroriga ko‘ra alamli tarzda turnir bilan xayrlashdi.
Ruslan avvalgi bosqich 1/8 finalda meksikalik Migel Anxel Martinesga qarshi ringga chiqib, 5:0 hisobida g‘alaba qozongan edi.
Bugun Lazizbek Mullajonov ham chorakfinal bahsini braziliyalik Keno Mashadoga qarshi o‘tkazadi. Jang taxminan soat 00:50da boshlanadi.
Ma’lumot uchun, Jahon chempioni Ruslan Abdullayev (-63.5 kg) Parij—2024 yozgi Olimpiya o‘yinlari litsenziyasi uchun kechgan Italiyada boks bo‘yicha jahon litsenzion turniri doirasidagi jangda serbiyalik Aleksey Sendrikni mag‘lubiyatga uchratib, 4 yillikning eng nufuzli musobaqasi ishtirokchisiga aylangandi.
Ruslanbek Abdullayev 2002 yil Toshkent viloyati Qibray tumanida dunyoga kelgan. 2023 yil Toshkentda bo‘lib o‘tgan Jahon chempionatida oltin medalni qo‘lga kiritgan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Turkiya o‘zining birinchi kvant kompyuterini taqdim etdi
Metabolizm sekinlashganining belgilari
Husiylar Isroil aviabazasiga gipertovushli raketa bilan zarba berdi
Har payshanba jismoniy tarbiya va sport kuni sifatida belgilanadi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
