![Jahon chempionati yo‘lidagi muhim uchrashuv haqida](/uploads/posts/2024-09/x1c711473c7_photo_2024-09-06_01-59-21-wkfuv-za.webp.pagespeed.ic.Fw_K_eZo0Q.webp)
Foto: “O‘FA“
Futbol bo‘yicha Jahon Chempionati saralash bosqichidan o‘rin olgan Qirg‘iziston—O‘zbekiston uchrashuvi bugun, 10 sentyabr kuni bo‘lib o‘tadi. Uchrashuv Bishkek shahridagi “Dolen Omurzakov” stadionida bo‘lib o‘tadi.
Mazkur uchrashuvda kuvaytlik hakamlar brigadasi ishlaydi. Bosh hakam Ahmad al-Ali, unga qanotlarda hamyurtlari Abdulhadi al-Anezi va Ahmad Abbos yordam beradi. 4-rasmiy hakam sifatida esa Ammar Ashkanoni ishlaydi.
Shuningdek, Abdulloh Jamoli (Kuvayt) VAR hakami sifatida faoliyat yuritadi. Mezbonlar uchrashuvda oq, mehmon vakillari ko‘k liboslarda harakatlanadi.
Uchrashuvga jamoalar qanday yetib keldi?
O‘zbekiston milliy jamoasi so‘nggi 5 o‘yinning 4 tasida g‘alaba qozondi. Eron bilan bo‘lgan o‘yinda murosa yo‘lini tanlagan o‘zbekistonliklar 5 o‘yinda faqatgina Turkmaniston termasi futbolchilaridan gol o‘tkazib yubordi. Qolgan o‘yinlarda darvoza daxlsizligi saqlab qolindi.
![](/uploads/posts/2024-09/x407b5cb35c_photo_2024-09-06_02-02-10-a0be1qvl.webp.pagespeed.ic.kk4GMwzsND.webp)
Foto: “O‘FA”
Qirg‘iziston terma jamoasi so‘nggi 5 o‘yinning ikkitasida g‘alaba qozondi. Ushbu g‘alabalarning har ikkisi ham Tayvan jamoasi bilan uchrashuvga to‘g‘ri keladi. Qirg‘izistonliklar Malayziya va Ummon bilan uchrashuvlarda murosa yo‘lini tanlagan. Jahon chempionati uchinchi bosqichining birinchi tur uchrashuvida qo‘shni respublika vakillari Eronda bo‘lib o‘tgan uchrashuvda kichik (1:0) hisobda mag‘lubiyatga uchradi.
![](/uploads/posts/2024-09/xa848c4295b_2841836_0c2b8af5b49f42106184f64b71d3f6b1-00i1o24r.webp.pagespeed.ic.OHPqnl8Sbg.webp)
Foto: Getty Images
O‘zaro o‘yinlar
Ikki jamoa o‘rtasidagi barcha uchrashuvlarda o‘zbekistonliklarning qo‘li baland kelgan. Eng yirik hisob 2007 yilda qayd etilgan. Unda O‘zbekiston 6:0 hisobida g‘alaba qozongan. 2023 yilning 25 dekabrida bo‘lib o‘tgan so‘nggi o‘rtoqlik uchrashuvida O‘zbekiston terma jamoasi Qirg‘iziston ustidan 4:1 hisobida g‘alaba qozongan.
So‘nggi 5 uchrashuvda O‘zbekiston terma jamoasi 17 bor raqiblar darvozasini ishg‘ol qilgan. Qirg‘iziston vakillari uch bora O‘zbekiston darvozasini ranjita olgan.
![](/uploads/posts/2024-09/x25298d4254_photo_2024-09-10_09-55-53-ukiumhz5.webp.pagespeed.ic.LLFsEobMFe.webp)
Rasmiy bahslardagi natijalar
FIFA reytingida o‘rni
O‘zbekiston terma jamoasi hozirda 62-o‘rinda joylashgan. Terma jamoaning reytingdagi eng yuqori o‘rni 2006—2007 yillarga to‘g‘ri kelgan. O‘shanda milliy jamoa reytingda 45-pog‘onadan joy olgan.
Qirg‘iziston terma jamoasi FIFA reytingida 102-o‘rinni band qilgan. Terma jamoa 2018 yilda 75-o‘rinda qayd etilgan va bu milliy jamoa uchun eng yuqori hisoblanadi.
Eng qimmat o‘yinchilari
O‘zbekiston terma jamoasining eng qimmat o‘yinchisi, “SSKA” klubi a’zosi Abbosbek Fayzullayev 6 million yevroga baholangan.
Qirg‘izistonliklarning eng qimmat futbolchisi deb ko‘rsatilayotgan Guljigit Aliqulov 700 ming yevroga baholangan.
Bosh murabbiylar fikri
Srechko Katanes: “Jismoniy holat yomonligi o‘tgan o‘yindan so‘ng ortda qoldi. O‘sha bahsda biz 11 nafar askarlarga qarshi o‘ynadik, deyishimiz mumkin. Ular jismoniy jihatdan yaxshi holatda edi. Biz ko‘plab vaziyatlar yaratdik. O‘ylaymanki, ertangi bahsda ham ustunlikka erishamiz.
Faqat yuguraverishning foydasi yo‘q, aqlni ham ishlatish kerak. O‘z o‘yinimizni namoyish eta olsak, ertaga barchasi yaxshi yakun topishiga ishonaman. Ertaga uch ochko uchun maydonga chiqamiz”.
Maksim Lisitsin: “O‘yinga reja asosida tayyorgarlik ko‘rdik. Jamoamiz uzoq safardan qaytdi, tiklanish jarayoni ham kechmoqda. O‘yinga tayyor bo‘lish uchun barchamiz bor imkoniyatimizni ishga solamiz.
Raqib jamoani yetarlicha o‘rgandik va ularda ham kamchiliklar bor. Ishonamanki, biz ertaga muxlislarimizni xursand eta olamiz.
Biz maydonning ikkinchi tarafida ko‘proq o‘ynashni istaymiz, ammo unutmaslik kerakki, raqib ham shuni istaydi. Muvaffaqiyatga erishish yo‘lini topishimiz kerak. O‘ylaymanki, raqib kim bo‘lishidan qat’i nazar, har o‘yinda gol urish va g‘alaba qozonish uchun imkoniyat bo‘ladi”.
Uchrashuv bugun, 10 sentyabr kuni bo‘lib o‘tadi va Sport TV orqali 19:00 dan boshlab efirga uzatiladi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
![Rossiya hukumati raisi Mixail Mishustin O‘zbekistonga keldi расм](/uploads/posts/2024-09/xd95bbb8ee6_4-ghlrc0zl.webp.pagespeed.ic.GXgAKq6VVi.webp)
Rossiya hukumati raisi Mixail Mishustin O‘zbekistonga keldi
![Xitoy va Rossiya sentyabr oxirigacha harbiy mashg‘ulotlar o‘tkazadi расм](/uploads/posts/2024-09/xdc3b604246_1.webp.pagespeed.ic.SezATT8gNj.webp)
Xitoy va Rossiya sentyabr oxirigacha harbiy mashg‘ulotlar o‘tkazadi
![O‘zbekiston va Rossiya hukumatlararo qo‘shma komissiyaning navbatdagi majlisi bo‘lib o‘tdi расм](/uploads/posts/2024-09/x536b010a70_2024-09-092023_01_17-v9qpxd_b.webp.pagespeed.ic.gYW6aS_aTD.webp)
O‘zbekiston va Rossiya hukumatlararo qo‘shma komissiyaning navbatdagi majlisi bo‘lib o‘tdi
![Besh arab davlati Isroilga talab qo‘ydi расм](/uploads/posts/2024-09/xd2c07cef8f_920__95_1374385324.webp.pagespeed.ic.ebGXPFENvC.webp)
Besh arab davlati Isroilga talab qo‘ydi
![Rossiya va O‘zbekiston o‘rtasida «Agroekspress» qatnovlari bo‘yicha shartnoma imzolandi расм](/uploads/posts/2024-09/x13c9bb0dfa_nfcjm6hvlxy9gu5g_unab7ngkngxofbl.webp.pagespeed.ic.sOri8Ep9Z5.webp)
Rossiya va O‘zbekiston o‘rtasida «Agroekspress» qatnovlari bo‘yicha shartnoma imzolandi
![Yerni yana kuchli magnit bo‘ronlari qoplaydi расм](/uploads/posts/2024-09/x82ad7fea4b_photo_2024-09-09_19-24-44-_fgoafyn.webp.pagespeed.ic.IDkbO-N-M3.webp)
Yerni yana kuchli magnit bo‘ronlari qoplaydi
![Qashqadaryo va Jizzaxda pora olgan ekologiya va qurilish mutaxassislari ushlandi расм](/uploads/posts/2024-09/x1176e0109e_qlr1nfyincoiz51l8phab-ccnwdaucsa_medium.webp.pagespeed.ic.O5q8lSPc9R.webp)
Qashqadaryo va Jizzaxda pora olgan ekologiya va qurilish mutaxassislari ushlandi
![Aleksandr Krestinin: "Qirg‘iziston meni hayron qoldirgani yo‘q" расм](/uploads/posts/2024-09/x00815f4da2_1.webp.pagespeed.ic.5wQAEbiTg_.webp)
Aleksandr Krestinin: "Qirg‘iziston meni hayron qoldirgani yo‘q"