Turkiya Superligasida ishtirok etayotgan Husniddin Aliqulov “Rizespor” jamoasi safida mashhur klub “Galatasaroy” mehmoni bo‘ldi. Beshinchi turdan o‘rin olgan ushbu bahs mezbonlarning ustunligida o‘tdi. “Rizespor” yetakchilaridan hisoblangan Husniddin Aliqulov uchun bu o‘yin omadsiz yakunlandi.
Raqib hujumchisi Yunus Akgyun bilan kurashda oyog‘idan jiddiy jarohat olgan hamyurtimiz bellashuvni davom ettira olmadi. Maydonni erta tark etishga majbur bo‘lgan Aliqulov 38-daqiqada o‘z o‘rnini Amir Xadziaxmetovichga bo‘shatib berdi.
Hamyurtimiz o‘yindan chiqib ketganidan keyin mehmonlarning himoyasi ancha bo‘shashib qoldi va “Galatasaroy” futbolchilari hisobni 5:0 ko‘rinishiga olib keldi.
Aliqulovning jarohati “Rizespor” uchun katta yo‘qotish hisoblanadi. Husniddin himoyachi bo‘lishiga qaramay, o‘z vazifalarini uddalashdan tashqari hujumga qo‘shilib, ikkita gol ham urishga muvaffaq bo‘lgan edi.
Legionerimizning gollari “Bashakshehir” va “Adana Demirspor” darvozalariga kiritgan to‘plari “Rizespor” egalik qilib turgan to‘rt ochkoni keltirgan.
Endi Aliqulov chuqurlashtirilgan tibbiy ko‘rikdan o‘tkaziladi. Shundan so‘ng, jarohatining darajasi va davolanish muddati aniq bo‘ladi.
25 yoshli legionerimiz aslida “Mash’al” tarbiyalanuvchisi hisoblanadi. Professional faoliyatini Muborakda boshlagan Aliqulov 2019 yili “Nasaf”ga ko‘chib o‘tdi.
Qashqadaryoning yetakchi klubida muvaffaqiyatli o‘yinlari bilan muxlis-u mutaxassislar nazariga tushdi.
Husniddin 2023 yilning yoziga kelib, ilk bor legionerga aylandi. “Rizespor” mutasaddilari markaziy himoyachini o‘z jamoasiga qo‘shib olishga qaror qildi. Bu transfer Qarshi klubiga 400 ming yevro miqdorida mablag‘ keltirdi.
Himoyachi bo‘lishiga qaramay, hujumlarga qo‘shilishni xush ko‘radigan legionerimiz qisqa fursatda “Rizespor”ning asosiy figuralaridan biriga aylandi.
Husniddin Aliqulov shu kunga qadar klublar miqyosidagi barcha musobaqalarda 147 ta uchrashuvda ishtirok etgan, himoyachi bo‘lsa-da, raqiblar darvozasini 17 marotaba ishg‘ol qilgan va jamoadoshlariga oltita golli pas uzatgan.
Qashqadaryo futboli tarbiyalanuvchisi 2020 yilning sentyabr oyidan beri O‘zbekiston milliy terma jamoasiga jalb qilib kelinmoqda. Xalqaro miqyosda hozirgacha 25 ta o‘yinda qatnashib, o‘z hisobiga uchta gol yozdirib qo‘ygan.
Bosh bilan a’lo darajada o‘ynaydigan himoyachimiz terma jamoa safida Vetnam, Turkmaniston va Qirg‘iziston darvozabonlarini ojiz qoldirdi.
O‘zbekistonlik futbol ishqibozlari nomidan Husniddin Aliqulovga tezroq tuzalib, safga qaytishini va o‘yinlari bilan muxlislarga xursandchilik ulashishini tilab qolamiz. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
Putin Ukrainadagi obyektga ballistik raketa zarbasi berilganini e’lon qildi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Shavkat Mirziyoyev Rossiya bosh prokurori bilan uchrashuv o‘tkazdi
