Supergol urgan Fayzullayevning o‘yini qanday baholandi?

Rossiya Premer-ligasining 10-turida SSKA o‘z muxlislari ko‘z o‘ngida “Axmat” jamoasi futbolchilarini 3:0 hisobida mag‘lubiyatga uchratdi.

O‘yin qahramoni uchta goldan ikkitasida bevosita ishtirok etgan Abbosbek Fayzullayev bo‘ldi. 20 yoshli hujumkor futbolchimiz avvaliga hisobni ochdi. “Armiyachilar”ning uchinchi golida raqib futbolchisi Darko Todorovich jarima maydonchasi ichida Abbosbek bilan kurash olib borib, to‘pni o‘z darvozasiga kiritib qo‘ydi.

Juda faol o‘ynagan Abbosbek Fayzullayev uchrashuvning eng yaxshi futbolchisi sovrini bilan taqdirlandi.

Uchrashuvdan keyin SSKA himoyachisi Danil Krugovoy hujumkor futbolchi pozitsiyasida o‘ynayotgan Abbosbek Fayzzulayevning jamoa uchun qanday ahamiyatga ega ekanini aytib o‘tdi.

- Fayzullayev urgan birinchi gol o‘yinda hammasini hal qilib berdi, goldan keyin biz ochilib ketdik.

Abbosbekning o‘zi shu paytga qadar gol ura olmayotganidan xavotirga tushmagan. U jamoa uchun juda ko‘p ter to‘kyapti.

Ertami, kechmi baribir Abbos to‘p kiritadigan vaziyat yuzaga kelardi. Bu gal gol urishni uddaladi.

Fayzullayev golli paslari va gollarini ikkinchi darajaga qo‘yadi, Abbos uchun jamoaviy o‘yin va harakatlar muhim hisoblanadi, - dedi Danil Krugovoy.

Ijtimoiy tarmoqlarda SSKA muxlislari ham o‘zbek legioneri o‘yiniga o‘z munosabatini bildirmoqda.

Mikredarmy:
Abbosga gap yo‘q!

Slava1973:
Abbos “Axmat”ga gol urdi.

Nikolai230265:
SSKAning barcha muxlislarini g‘alaba, Fayzullayevni gol bilan tabriklayman. Boshqa hujumchilar ham gol urishi kerak edi, bu gal o‘xshamadi.

Firemonster:
“Armiyachilar” ishonchli g‘alaba qozondi. Fayzullayev hammani xursand qildi. Rifatga tezroq tuzalishini tilaymiz.

Run1:
Sharhlovchi faqat Oblyakovni maqtadi. Lekin eng zo‘ri Fayzullayev edi.

Myfathers1:
SSKAga muxlislik qildim. Xudoga shukr, Fayzullayev zo‘r o‘ynayapti. “Zamin” yangiliklarini “Telegram”da kuzatib boring