Igor Shkvirin: "Guruhda raqobat kuchli, xatolardan kerakli xulosa chiqarilmasa qimmatga tushadi"

Taniqli futbol mutaxassisi, O‘zbekiston terma jamoasi sobiq futbolchisi Igor Shkvirin BAA bilan o‘yin oldidan imkoniyatlarni baholadi.

"Barchasini avvalgi bosqichdan boshlasak. Eron bilan ilk saralashdagi o‘yinda 0:2 hisobida yutqazayotib iroda ko‘rsatgan edik. Mehmonda durang o‘ynab qaytilgan. Ko‘ringandiki, futbolchilar faollikni oshirishi va yarim himoyachilarning tezkor qarorlari hisobiga vaziyatdan chiqib ketishgandi. Terma jamoada xarakter bor. Endi esa bu bosqichdagi dastlabki ikki bahsga e’tibor qaratamiz. KXDRni 1:0 hisobida taslim qildik. Himoyada jarima maydonchasi ichida xatolar kuzatildi. Ular penaltini ura olishmadi. Lekin yaxshi qarshilik ko‘rsatdi. Qirg‘iz Respublikasi ustidan g‘alaba qozondik. Ammo 2 ta gol o‘tkazib yuborganimiz yoqimli bo‘lmadi. Biz o‘yinni mutaxassis sifatida ko‘ramiz. Bu esa boshqalarnikidan farq qilishi tabiiy.

Eron bilan bitta Masharipovda gol urish uchun imkoniyat bo‘ldi va bu yagonaligicha qoldi. Gol o‘tkazmaslik uchun o‘ynagandek taassurot qoldirishdi. Balki ruhiy holat shunga mos kelgandir yoki ko‘rsatma. Sardor Azmun bitta vaziyatda haqiqiy hujumchilardek o‘ynadi. Darvozabonimiz to‘plarni qaytardi. Agarda, BAA bilan ham bunday o‘ynasak birinchi o‘rindan tushishimiz mumkin. Nima uchundir avvalgi sikldagi Eronga qarshi qilgan o‘yinimizni ko‘rsata olmadik. Xatolardan kerakli xulosalarni chiqarilmasa qimmatga tushadi. Guruhda esa raqobat kuchli. Har qanday holatda terma jamoamizga omad tilayman ",- deydi Igor Shkvirin.

Taniqli futbol mutaxassisi, Igor Shkvirin, BAA bilan o‘yin, Imkoniyatlar “Zamin” yangiliklarini “Youtube”da kuzatib boring