“Lans”da porlayotgan Abduqodir Husanovga grand klublardan birinchi bo‘lib PSJ e’tibor qaratgan edi. Parij klubi mutasaddilari 20 yoshli legionerni bir necha haftadan beri muntazam kuzatib kelmoqda.
Biroq bir necha manbalar O‘zbekiston milliy terma jamoasi markaziy himoyachisi uchun kurashda Yevropaning boshqa katta klublarining imkoniyatini parijliklarnikidan yuqori baholamoqda.
Basten Ober, butfootballclub.fr portali eksperti:
PSJ va “Lans” o‘yinining 60-daqiqasida maydondan chetlatilgan Abduqodir Husanovni Angliyaning ikki yirik klubi sinchkovlik bilan kuzatib kelmoqda.
Qishki transferlar mavsumi yaqinlashgani sari “Lans” o‘zining 20 yoshli himoyachisiga joriy chempionatda qattiq suyanib qolganiga qaramay, uni transfer qilishga harakatlar kuchayib, ko‘payib boraveradi.
Londonning ikki jamoasi – “Chelsi” va “Tottenxem” Fransiya chempionati vakili “Lans”dan Abduqodir Husanovning transferi bo‘yicha tegishli ma’lumotlarni so‘ragan va o‘z so‘rovlariga javob kutmoqda.
O‘zbek futbolchisini nishonda ushlab turgan klublar qatorida Fransiyaning amaldagi chempioni PSJ ham bor. Biroq London klublari uni parijliklarga qoldirmoqchi emas.
Kevin Danso, “Lans” futbolchisi:
- Abduqodir Husanov – buyuk o‘yinchi, hamma buni ko‘rdi. Men buni o‘tgan mavsumdan beri yaxshi bilaman.
Agar u Yevropaning eng mashhur klublaridan kelganida, uning transferi 100 million yevroga tushgan bo‘lardi.
Kleman Vales, dailymercato.com sayti eksperti:
Fransiya chempionatining haqiqiy kashfiyotiga aylangan Abduqodir Husanovning transfer bozoridagi reytingi oshib bormoqda.
“Chelsi” va “Tottenxem” lansliklardan transfer ma’lumotlarini so‘ragan. “Lans” Liga 1 o‘yinlarida ketma-ket ikki bor mag‘lubiyatga uchragan bo‘lsa-da, hamon chempionatning himoyasi eng mustahkam jamoasi bo‘lib turibdi. Bunda darvozabon Bris Samba bilan Abduqodir Husanovning hissasi katta.
Husanov ketma-ket ikki oy “Lans”ning eng yaxshi o‘yinchisi bo‘lgandi. Endi Fransiya chempionatida oktyabr oyining eng yaxshi yosh o‘yinchisi, deb e’tirof etildi.
O‘zbek himoyachisi bu nominatsiyada “Marsel”ning angliyalik hujumchisi Jonatan Rou va “Lion”ning belgiyalik yarim himoyachisi Malik Fofanani ortda qoldirdi. Bu so‘rovnomada Husanov 46,9 foiz ovoz olib, ta’qibchilarini katta farq bilan ortda qoldirdi. Xususan, Rouga 28,2, Fofanaga 24,9 foiz respondent ovoz bergan.
Bundan tashqari, Sofascore portali o‘zbek futbolchisini 21 yoshgacha bo‘lgan dunyoning eng yaxshi futbolchilari ro‘yxatiga ham kiritdi.
Bu futbolchini 20 yoshgacha futbolchilar o‘rtasida o‘tkazilgan Osiyo kubogi musobaqasida Batist Fave kashf qilgan. Uning transferi “Lans”ga 100 ming yevroga tushgan.
Eslatib o‘tamiz, Abduqodir Husanov futbolning dastlabki sir-asrorlarini “Bunyodkor” tizimida o‘rgangan. Keyinchalik Belarus chempionatida “Energetik-BGU” jamoasida professional faoliyatini boshladi. 2023 yilning yozidan “Lans” futbolchisi hisoblanadi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Dunyoning mashhur ayollari kunni qanday boshlaydi?
22 noyabr kuni Cobalt avtomobiliga shartnoma ochilishi e’lon qilindi
Xonanda Ruxshona uylanmagan yigitga turmushga chiqqani haqida so‘zlab berdi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Isroilga qurol sotishni to‘xtatish AQSH Senatida ko‘rib chiqiladi
Abbosbek Fayzullayev o‘z jamoasini topdi...
Kelgusi yildan o‘quvchilar o‘rtasida harbiy-sport musobaqalari o‘tkaziladi
