Foto: O‘FA matbuot xizmati
O‘zbekiston milliy terma jamoasi va Rimning “Roma” klubi hujumchisi Eldor Shomurodov Jahon chempionati saralash bosqichi doirasida Qatarga qarshi o‘yin oldidan o‘z fikrlarini bildirib o‘tdi.
Futbolchi terma jamoa yig‘iniga kecha, 11 noyabr kuni kelib qo‘shilgan.
“Mashg‘ulotlarni boshlaymiz. Barcha tayyor, faqat Oston O‘runov jarohatda. Doim aytganimdek, biz uchun eng muhimi Jahon chempionatiga chiqish vazifasini bajarish. Hozirda imkoniyatimiz juda yaxshi. Qatar terma jamoasini yutsak bundan ham yaxshi imkoniyatga ega bo‘lamiz. Faqat 3 ochko uchun harakat qilamiz. Boshqa tomondan olib qarasa, Qatar bizning ortimizdan kelmoqda. Iloji boricha Qatarni yaqinlashtirmaslikka harakat qilishimiz kerak. Shu tomondan olib qaraganda ham biz uchun g‘alaba juda muhim”, deydi Eldor Shomurodov.
Ma’lumot uchun, O‘zbekiston terma jamoasi Jahon chempionati saralashidan o‘rin olgan Qatarga qarshi uchrashuv 14 noyabr kuni bo‘lib o‘tadi.
A guruhida hozirda 10 ochko bilan Eron va O‘zbekiston yetakchilik qilmoqda. Qatar bilan uchrashuvdagi g‘alaba ular bilan farqni 9 ochkoga oshiradi.
19 noyabr kuni O‘zbekiston terma jamoasi Shimoliy Koreya mehmoni bo‘ladi. Laosda o‘tishi rejalashtirilgan ushbu uchrashuv 2024 yildagi saralashning so‘nggi o‘yini hisoblanadi. Bahslar kelgusi yil mart oyidan davom ettiriladi.
Avvalroq Jaloliddin Masharipov ham Qatarga qarshi uchrashuv borasida o‘z fikrlarini bildirgan edi.
“O‘ylaymanki, Qatar bilan bahs faoliyatimdagi eng muhim uchrashuvlardan biri. Ushbu o‘yinda g‘alaba qozonsak, Jahon chempionati masalasini 90 foizga hal etamiz. Buni barcha futbolchilar tushunib turibdi. Xudo xohlasa, qo‘limizdan kelgan barcha narsani ishga solamiz. Bundan tashqari, Qatar bilan hisob-kitobimiz ham bor”, degan edi futbolchi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya Kursk viloyatidagi hududlarini qaytarib olishga 50 ming harbiy to‘pladi
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Trampning o‘g‘li Zelenskiy yaqin orada «nafaqadan» mahrum bo‘lishini yozdi
AQSH Isroilga puli to‘langan buldozerlarni bermadi
Immunitetni ko‘tarish uchun 6 ta eng yaxshi vitamin
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
Tramp Putinga qo‘ng‘iroq qilib, Ukrainadagi urushni muhokama qildi
