Flik — iste’dodlarni yo‘qotayotgan murabbiymi? Uch futbolchi “bosh ko‘tardi”

Ispaniya chempionatida yuqori pog‘onani egallab turgan “Barselona” jamoasida tashqi ko‘rinishda barqarorlik bordek tuyulsa-da, klub ichida ayrim futbolchilar bosh murabbiy Xans-Diter Flikning qarorlaridan norozi ekani haqida ma’lumotlar tarqalmoqda.

Fichajes nashri yozishicha, uch nafar futbolchi jamoada o‘zini “chetda qolgan”dek his qilmoqda va bu holatni Flikning murabbiylik yondashuvi bilan bog‘lashmoqda.

Ansu Fati: “Messining vorisi”ni unutishyaptimi?
Yosh va iqtidorli vinger Ansu Fati oxirgi paytlarda chigalyozdi mashqlarini bajarib, o‘ziga kelayotganini ko‘rsatsa-da, maydonga tushirish masalasida mutlaqo chetda qolmoqda.

“Messining vorisi” sifatida nom chiqargan Fati hozirda o‘zining shaxsiy salohiyatini namoyon etish imkoniyatiga ega emas.

Mutaxassislar Flikning Fatiga nisbatan yetarli ishonch va e’tibor ko‘rsatmayotganini tanqid qilib kelishmoqda.

Gektor Fort: “Fursatlar faqat kattalar uchunmi?”
Yosh himoyachi Gektor Fort ham o‘zining imkoniyatga loyiq ekanini isbotlamoqchi, ammo Flikning qarorlari sabab hali ham asosiy tarkibdan uzoq.

“Men mashg‘ulotlarda kerakli darajada ishlamoqdaman. Lekin imkoniyat berilmayapti,” degan singari bayonotlar orqali u ochiqcha norozilik bildirishni boshlagan.

Ayrim manbalarga ko‘ra, Flik kelasi mavsum uchun Fort o‘rniga yangi himoyachi izlashga kirishgan.

Ferran Torres: “Maydonda yaxshi o‘ynasam ham, nega erta olinaman?”
Jamoaning tajribali yarim himoyachisi Ferran Torres esa zaxiraga juda erta olinayotganidan norozi. Uning fikriga ko‘ra, maydonda faol va samarali harakat qilgan paytlarda ham u tez olinadi.

Torresning o‘zi ham murabbiy qarorlari orqali o‘zini “begona” his qilayotganini yashirmayapti.

Flik strategiyasi — natija berayotgan tizim yoki fidoistlar yo‘qotilayotgan muhit?
“Barsa” chempionlik uchun kurashayotgan paytda bunday ichki shikoyatlar jamoa muhitida noqulaylik yaratishi mumkin. Flik taktik jihatdan natijaga ishlayotgan bo‘lishi mumkin, lekin o‘zini ko‘rsatishga tayyor iste’dodlarga yetarlicha maydon va ishonch bermayotgani so‘nggi paytlarda ko‘p muhokama qilinmoqda.

Siz nima deb o‘ylaysiz — Flik haqiqatdan ham ayrim futbolchilarni “yo‘qotayotgan” murabbiymi? Yoki bu klub ichidagi tabiiy raqobatning bir qismi xolosmi? “Zamin”ni Telegramʻda oʻqing!