Simone Indzagi: «Biz dunyoning eng kuchli jamoasiga qarshi ajoyib o‘ynadik»

UEFA Chempionlar ligasining yarim finali doirasida kechgan "Barselona" – "Inter" bahsidan so‘ng mehmonlar bosh murabbiyi Simone Indzagi o‘zining fikrlari bilan o‘rtoqlashdi.

«Biz bugun maydonda ajoyib o‘yin namoyish qildik. Uchrashuvda 2:0 hisobida oldinda borayotgandik va nima sababdan Mxitaryan tomonidan kiritilgan gol inobatga olinmagani men uchun hali ham sir bo‘lib qolmoqda. Bu holat meni juda afsuslantirdi, chunki bu kabi vaziyatlar yakuniy natijaga jiddiy ta’sir o‘tkazishi mumkin edi», — dedi Indzagi.

«Ammo bunday bahsli vaziyatlar jamoamga va o‘yinchilarimga bo‘lgan munosabatimni o‘zgartirmaydi. Men ularning bugungi harakatidan juda mamnunman. Yigitlar haqiqatan ham yuqori darajada o‘yin ko‘rsatishdi va raqibga munosib qarshilik ko‘rsatishdi», — deya qo‘shimcha qildi "Inter" ustozi.

Shuningdek, Simone Indzagi "Barselona"ning yosh yulduzi Lamin Yamalning o‘yiniga alohida e’tibor qaratdi:

«Rostini aytsam, so‘nggi 8-9 yil ichida Yamal kabi iste’dodli futbolchini ko‘rmaganman. Uning maydondagi harakatlari biz uchun juda katta muammolarni keltirib chiqardi. Yamaldek iqtidor egasiga qarshi to‘p surish oson bo‘lmadi».

Eslatib o‘tamiz, ushbu bellashuv 2:2 hisobida durang bilan yakunlandi. Endi "Inter" jamoasi o‘zida o‘tadigan javob o‘yinida final yo‘llanmasini qo‘lga kiritish uchun harakat qiladi. “Zamin”ni Telegramʻda oʻqing!