Yevropa futbolidagi yozgi transfer mavsumi qizg‘in pallaga kirdi. Bu mavsumda e’tibor markazida bo‘lgan transferlardan biri – “Barselona” klubining “Liverpul” vingeri Luis Diasga bo‘lgan qiziqishi hisoblanadi. Kataloniya klubi unga chap qanot hujumidagi asosiy kuch sifatida qaraydi, ammo moliyaviy jihatdan juda ehtiyotkorlik bilan yondashmoqda.
“Diario Sport” nashri tarqatgan xabarga ko‘ra, “Barsa” kolumbiyalik futbolchini tarkibiga qo‘shishni xohlamoqda, ammo uning transferi uchun 60 million yevrodan ko‘p to‘lash niyati yo‘q. Kataloniyaliklar futbolchining yoshi — 28 yoshni hisobga olgan holda, bu summani adolatli va bozor qiymatiga mos deb hisoblamoqda. Boshqa tomondan esa, “Liverpul” rahbariyati 80 million yevrogacha talab qilayotgani ma’lum qilingan.
Luis Dias bugungi kunda “Liverpul” tarkibida yillik 3,5 million yevro maosh olmoqda. Agar ikki klub o‘zaro kelishuvga erishsa, “Barselona” futbolchiga yanada qulay shartlarni va yuqori maosh taklif qilishga tayyor.
Ma’lumotlarga ko‘ra, “ko‘k-anorlilar” Diasni jamoaning hujumdagi dinamikasini yaxshilaydigan tajribali vinger sifatida ko‘rishmoqda. Uning texnikasi, driblingdagi mahorati va to‘p bilan muvozanatni ushlab turishi Flikning taktik rejalariga mos keladi.
Biroq moliyaviy cheklovlar va “La Liga” tomonidan belgilangan to‘lov balanslari “Barsa”ni ehtiyotkorlik bilan harakat qilishga majbur qilmoqda. Shu bois, agar “Liverpul” talab qilgan 80 millionlik summadan qaytmasa, bu transfer uzoqqa cho‘zilishi yoki umuman amalga oshmasligi ham mumkin.
Shu bilan birga, “Barselona” klubi transfer muzokaralari davomida boshqa variantlarni ham ko‘rib chiqishi mumkin. Ammo hozircha Luis Dias birinchi raqamli maqsad sifatida qolmoqda.
Kataloniya klubi muxlislari esa ushbu jarayonni hayajon bilan kuzatishmoqda — Dias kelsa, “Barsa” qanot hujumi yanada kuchayadi va yangi mavsumda raqobatbardoshlikni oshiradi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
