Tokio shahrida bo‘lib o‘tgan xalqaro boks to‘qnashuvi yana bir dramatik voqeaga sahna bo‘ldi. Yaponiyalik yosh va umidli bokschi Sutomu Sasaki o‘z uyida, WBO yo‘nalishi bo‘yicha jahon chempionligi uchun amerikalik raqibi Brayan Normanga qarshi ringga chiqdi. Ammo bu jang uning faoliyatidagi og‘ir sinovlardan biriga aylandi.
Jang avvalidanoq keskin xarakterga ega bo‘ldi — Norman ilk raunddayoq Sasakini ikki bor nokautga uchratdi. Beshinchi raundga kelib, amerikalik bokschi boshqa zarba bilan yapon sportchisini ringga yiqitdi. Boshining orqa qismi bilan pardevorga qulagan Sasaki hushini yo‘qotdi va uzoq muddatgacha o‘zini tiklay olmadi.
Shifoxonaga olib ketilgan bokschiga shoshilinch tibbiy yordam ko‘rsatildi. Doktorlar uning bosh miyasi tomografiyasini o‘tkazib, jismoniy shikastlar yoki qon ketishi kuzatilmaganini ma’lum qildilar. Biroq eng xavfli tomoni — u so‘nggi bir yarim oylik voqealarni mutlaqo eslay olmayotgani bo‘ldi.
佐々木尽選手残念...
— 或津路 (@Arutsur0) June 19, 2025
世界ウェルター級の壁はあまりにも高かった... pic.twitter.com/4KOXyYTDBt
Tashkilotchilardan biri Nakai Isseyning ta’kidlashicha, Sasaki hozircha jang qanday o‘tgani, unga tayyorgarlik jarayoni va kelishuvlar haqida hech narsani eslay olmayapti. Bu esa bosh jarohatining jiddiy oqibatlaridan biri hisoblanadi.
Yapon boks jamoatchiligi hozircha Sasakining holatini diqqat bilan kuzatmoqda. Olimlar va mutaxassislar esa uning to‘liq tiklanishi uchun vaqt va muntazam reabilitatsiya zarurligini ta’kidlamoqda.
Bu voqea boksdagi xavfli lahzalar va sportchi salomatligini saqlash masalasining yana bir bor dolzarb ekanini ko‘rsatmoqda. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
