Sesk Fabregas “Manchester Siti”ga bosh murabbiy bo‘lishi mumkin

Ў
ў
Қ
қ
Ғ
ғ
Ҳ
ҳ


Angliya futbolida yangi intriga. Jurnalist Stiv Keyning yozishicha, agar Pep Gvardiola yaqin yillarda “Manchester Siti”ni tark etsa, uning o‘rnida yosh va zamonaviy mutaxassis – Sesk Fabregasni ko‘rish mumkin. Ingliz klubi rahbariyati 38 yoshli Fabregasning taktik qarashlari, o‘yinga yangicha yondashuvi va katta salohiyatidan hayratda ekanini tan olgan.

Ma’lumki, Pep Gvardiola “Manchester Siti” bilan tuzgan shartnomasiga ko‘ra, 2027 yil yoziga qadar klubni boshqaradi. Ammo futbol olamida vaziyat tez o‘zgarib, klub rahbariyati muntazam ravishda ehtimoliy vorislar ro‘yxatini shakllantirib boradi.

Sesk Fabregas hozirda Italiyaning “Komo” klubini boshqarmoqda va u bilan ancha muvaffaqiyatli mavsum o‘tkazdi. Yakunlangan mavsumda “Komo” A Seriyada 10-o‘rinni egalladi. Bu natija Yevropa futbolida yosh murabbiy sifatida Fabregasning obro‘sini yanada oshirdi. Uni Yevropa top-klublari nazariga tushirgan muhim omil esa — o‘ziga xos taktik tafakkur va zamonaviy futbolga moslashuvchanlikdir.

Klub ichidagi insayderlarga ko‘ra, “Manchester Siti”ning asosiy maqsadi — Gvardioladan so‘ng ham jamoani kreativ va intellektual murabbiy qo‘liga topshirish. Sesk Fabregas bu jihatdan ideal nomzod sifatida ko‘rilmoqda. Chunki u “Arsenal”, “Barselona” va “Chelsi”da o‘ynab, turli murabbiylardan ilg‘or tajriba to‘plagan. Uning futbolga qarashi va maydondagi intellektual yechimlari futbol olamida olqishga sazovor bo‘lmoqda.

Tabiiyki, hozircha Pep Gvardiolaning o‘zi klubda qolish niyatida va uzoq muddatli maqsadlar qo‘ygan. Ammo ingliz OAVdagi muhokamalarga qaraganda, klub rahbariyati Sesk Fabregasni eng asosiy nomzodlardan biri sifatida ko‘rib chiqmoqda.

Futbol olamida “Manchester Siti”ning Gvardioladan so‘nggi hayoti qanday bo‘lishi barcha muxlislar uchun qiziq. Fabregasning bu lavozimga tayinlanishi klub uchun yangi davrni boshlab berishi mumkin. Kelajakda ushbu intriga qanday tugashini vaqt ko‘rsatadi. “Zamin”ni Telegramʻda oʻqing!