Dunyoning boks jamoatchiligi diqqatini yana bir bor taniqli “The Ring” nashri tomonidan yangilangan og‘ir vazn toifasidagi eng kuchli bokschilar reytingiga qaratildi. Mazkur reyting har doim ham muxlislar, ham ekspertlar tomonidan katta qiziqish bilan kutiladi, chunki u dunyo bo‘ylab boksning eng nufuzli va yo‘nalish beruvchi manbalaridan biri hisoblanadi.
So‘nggi yangilangan reytingda esa ayniqsa britaniyalik Daniyel Dyubua yuqori pog‘onaga ko‘tarilishi bilan e’tirofga sazovor bo‘ldi. Ma’lumki, u yaqinda ukrainalik Aleksandr Usik bilan revansh jangini o‘tkazdi va mag‘lub bo‘lganiga qaramay, to‘rtinchi o‘ringa chiqdi. Bu holat, albatta, jahon boks muxlislari orasida katta muhokamalarga sabab bo‘ldi.
Chempionlik pozitsiyasida Aleksandr Usik (Ukraina) o‘z o‘rnini saqlab qoldi. Birinchi o‘rinda esa Tayson Fyuri (Buyuk Britaniya) turibdi. Ikkinchi o‘rinda Yangi Zelandiya vakili Jozef Parker, uchinchi o‘rinda esa Germaniyadan Agit Kabael joy olgan.
“The Ring” reytingidagi kuchli o‘nlik quyidagicha shakllangan:
Chempion: Aleksandr Usik (Ukraina)
-
Tayson Fyuri (Buyuk Britaniya)
-
Jozef Parker (Yangi Zelandiya)
-
Agit Kabael (Germaniya)
-
Daniyel Dyubua (Buyuk Britaniya)
-
Entoni Joshua (Buyuk Britaniya)
-
Filip Xrgovich (Xorvatiya)
-
Fabio Vardli (Buyuk Britaniya)
-
Chjan Jiley (Xitoy)
-
Martin Bakole (Kongo Demokratik Respublikasi)
-
Efe Adjagba (Nigeriya)
Ushbu reytingda har bir bokschi o‘z yurti sharafini munosib himoya qilmoqda. Ayniqsa, og‘ir vazndagi janglar va chempionlik uchun bo‘lgan kurashlar doimo sport muhitida alohida qiziqish uyg‘otgan. Reytingdagi har bir sportchi o‘z natijalari va ringdagi harakatlari bilan jahon boksining eng yuqori pog‘onalariga munosib ekanini ko‘rsatmoqda.
Muxlislar esa, ushbu yangilangan reyting natijalari asosida yangi janglar va chempionlik bahslarini intiqlik bilan kutmoqda. “The Ring” kabi nashrlar esa, sportchilarning har bir g‘alabasi va mag‘lubiyatini doim diqqat bilan kuzatib, reytingni mutaxassisona yangilab boradi.
“Zamin”ni Telegramʻda oʻqing!
