Portugaliyada “Benfika” klubi prezidentligi uchun kurashayotgan mahalliy tadbirkor Joau Lopesh jamoa kelajagi uchun katta rejalarini oshkor qildi. Uning asosiy maqsadi sifatida esa hozir “Manchester Siti”da to‘p surayotgan tajribali yarim himoyachi Bernardu Silva qayd etildi. Bu haqda “Record” nashri orqali xabar tarqatildi.
Manba ma’lumotiga ko‘ra, Lopesh allaqachon Silva bilan jiddiy va chuqur muzokaralarni boshlab yuborgan. Ta’kidlanishicha, portugaliyalik futbolchi uchun maxsus shartnoma loyihasi tayyorlangan va uning qo‘yilishi ehtimoli joriy yil yanvar oyida amalga oshishi mumkin.
Bernardu Silva “Manchester Siti” safida 2017-yil yozidan beri o‘ynab kelmoqda. Shundan beri u barcha musobaqalarda 410 marta maydonga tushib, raqib darvozalariga 72 bor gol urgan va 73 marta golli uzatma bilan sheriklarini ta’minlagan. Bu ko‘rsatkichlar orqali u Gvardiola qo‘l ostidagi eng muhim va universal futbolchilardan biriga aylandi.
Hozirgi paytda futbolchining “Siti” bilan tuzgan shartnomasi 2026-yilning yoziga qadar amal qiladi. Shu bilan birga, “Transfermarkt” portalida berilgan baholashga ko‘ra, Silvaning bozor qiymati 38 million yevro atrofida belgilangan.
Agar Lopesh saylovlarda g‘alaba qozonsa, u “Benfika” tarixidagi eng katta va nufuzli transferlardan biriga qo‘l urishi mumkin.
“Zamin”ni Telegramʻda oʻqing!
