Braziliya futboli tarixida o‘chmas iz qoldirgan, «Barselona», «PSJ» va «Milan» kabi mashhur klublarda to‘p surgan afsonaviy yarimhimoyachi Ronaldinio yana katta sahnaga qaytib keladi. Jurnalist Dani Xilning (COPE) ma’lumot berishicha, u 2025 yilgi «Oltin to‘p» sovrinini topshirish marosimida ishtirok etadi va eng nufuzli individual sovrinni shaxsan g‘olibga topshiradi.
Tantanali tadbir 22-sentyabr kuni Parijning «Shalt» teatrida o‘tadi. Bu yilgi marosimda Ronaldinioga bunday mas’uliyatli va sharafli vazifa yuklanishi bejiz emas. Chunki aynan shu yili afsonaviy futbolchi «Oltin to‘p» sovrinini qo‘lga kiritganiga 20-yil to‘ladi.
«France Football» jurnali Ronaldinioni ushbu rolga tanlab, o‘ziga xos ramziy yo‘l tutdi. Chunki u futbol maydonidagi mahorat va betakror uslubi bilan nafaqat o‘z davrining, balki butun tarixning eng yirik yulduzlaridan biri sifatida nom qozongan.
E’tiborlisi, 2022-yildan beri sovrin taqdimoti yil taqvimi asosida emas, balki mavsum yakunlari bo‘yicha o‘tkazilmoqda. Bu safar ham g‘oliblar 2024-yilning 1-avgustidan 2025-yilning 13-iyuliga qadar bo‘lgan natijalarga qarab aniqlanadi.
Ronaldinioning sahnaga chiqishi muxlislar uchun alohida hayajon va tarixiy lahza bo‘lishi shubhasiz. Chunki u nafaqat «Oltin to‘p» egasi sifatida, balki futbolning eng kreativ va zavq bag‘ishlovchi yulduzlaridan biri sifatida ham dunyo sport tarixida alohida o‘ringa ega.
“Zamin”ni Telegramʻda oʻqing!
