Peres Rodri uchun 150 million yevro tikishga tayyor

Madridning “Real” klubi prezidenti Florentino Peres orzusidagi transferni amalga oshirish yo‘lida barcha resurslarni safarbar etmoqda. Daily Star xabariga ko‘ra, “qirollik klubi” “Oltin to‘p” sohibi Rodrigo Ernandes (Rodri) uchun “Manchester Siti”ga 150 million yevro miqdorida kompensatsiya to‘lashga tayyor.

Shu paytning o‘zida “Siti” ham o‘z tayanch yarim himoyachisini qo‘yib yuborish fikridan yiroq. Manchayesterliklar 29 yoshli ispaniyalikka oshirilgan maoshli yangi shartnoma taklif etish orqali uni karerasining asosiy yillarini Etixadda o‘tkazishga ishontirmoqchi.

Rodri 2019-yildan buyon Xosep Gvardiola jamoasining o‘yin qurilishida “miya” vazifasini bajarib kelmoqda: pressingdan chiqish, ritmni boshqarish va jarima maydoni oldidagi xavfli hujumlarni boshlashda uning o‘rni beqiyos. 2024-yilda u yilning eng nufuzli shaxsiy sovrini — “Oltin to‘p”ni qo‘lga kiritgandi. Amaldagi shartnomasi 2027-yilning o‘rtasigacha mo‘ljallangan.

“Real”ning rejasi aniq: o‘rta chiziqda raqobatni yanada kuchaytirish va muvozanatni oshirish. Kamavinga, Chuameni va Valverde kabi iste’dodlar bilan birga Rodrining qo‘shilishi markazni yanada barqaror va universal qilishi mumkin. Biroq bu ssenariyda asosiy to‘siq — “Siti”ning sotishga tayyor emasligi va futbolchining shaxsiy xohishi bo‘lib qolyapti.

Hozircha masala muzokara va mish-mishlar darajasida. Bir narsa aniq: Rodri kabi o‘yin qurolini olish uchun nafaqat katta pul, balki uzoq muddatli loyiha va futbolchining ishonchi ham talab etiladi. Mavsum davomida bu syujeta yana qaytib-qaytib murojaat qilinish ehtimoli juda yuqori.