Garet Beyl: "Real"ga hujumdagi sifat yetishmadi

Madridning "Real" klubi sobiq futbolchisi Garet Beyl Chempionlar ligasi doirasida "Liverpul"ga qarshi o'yin natijasini izohladi. 4-noyabr kuni Liverpulda bo'lib o'tgan turnirning guruh bosqichi to'rtinchi tur uchrashuvi mezbonlarning 1:0 hisobidagi g'alabasi bilan yakunlandi.

"Hujumda odatda "Real" futbolchilaridan kutiladigan sifat yetishmadi. Balki ularga hujum chizig'ida asosiy tayanch bo'ladigan markaziy hujumchi – klassik "to'qqizlik" yetishgandir", – dedi Beyl CBS Sportsga bergan intervyusida.

Hozirgi kunda Xabi Alonso boshqaruvidagi jamoa Chempionlar ligasi turnir jadvalida 9 ochko bilan beshinchi o'rinda bormoqda. "Liverpul" ham shuncha ochko to'plagan holda oltinchi o'rinni egallab turibdi.