Fiorentina bosh murabbiyini o'zgartirdi

Fiorentina klubi rasmiy veb-saytida yangi bosh murabbiy tayinlangani haqida ma'lumotni e'lon qildi. Endilikda jamoani 53 yoshli Paolo Vanoli boshqaradi.

Vanoli iyun oyidan beri hech bir klubda ishlamayotgan edi. Futbolchilar va muxlislar orasida u Spartak klubidagi 2021-2022-yillardagi faoliyati bilan esda qolgan.

Yaqinda Fiorentina bosh murabbiyi Stefano Pioli bilan xayrlashdi. Jamoa mavsumni muvaffaqiyatsiz boshladi va A Seriya turnir jadvalining soʻnggi, 20-oʻrnida joylashgan.

10 turda Fiorentina 4 marta durang oʻynadi va 6 marta magʻlub boʻldi. Fiorentina oʻzining navbatdagi oʻyinini 9-noyabr kuni safarda Genoa klubiga qarshi oʻtkazadi.

Qizigʻi, Genoa ham yaqinda bosh murabbiyini almashtirdi va jamoani Daniele De Rossi boshqarishga kirishgan. “Zamin”ni Telegramʻda oʻqing!