AQSh hukumati FIFAdagi korrupsiya ishi bo‘yicha tergovni davom ettiradi. Bu haqda AQSh adliya vaziri Loretta Linch 14 yanvarda ma’lum qildi, deb yozmoqda Kun.uz. Linch shuningdek bosh prokuror hisoblanadi va Donald Trampning inaugurasiyasi kuni o‘z lavozimini tark etadi.
"Bu ishni bizning sa’y-harakatlarimiz va xalqaro hamkorlarimiz hamkorligi evaziga tergov qilish mumkin bo‘ldi. Bu ish ketmoqda va davom ettiriladi", deb aytgan Linch.
Linchning aytishicha, AQShda bu ish bo‘yicha birinchi sud taftishi o‘tkazilishi oktyabrga belgilangan, tergov esa davom etmoqda.
Linch ushbu ishni Tramp adliya vaziri lavozimiga taklif qilgan senator Jeff Seshns boshqarmasiga topshirishini eslatib o‘tdi. Linchning aytishicha, FIFAdagi korrupsiya uni keyinga qoldirish uchun juda katta va shov-shuvli ishdir. "Bu ish men uchun biz odamlarning kundalik turmushiga ta’sir qiladigan ishlarni taftish qiladigan adliya vazirligimizdagi ishimizning mazmuni ramzidir. Futbol sportning eng ommaviy turi hisoblanadi", deb ta’kidlab o‘tdi adliya vaziri.
FIFA tarixidagi eng katta mojaro 2015 yil 27 mayda avj olgan. O‘shanda Syurixda tashkilotning 7 nafar yuqori lavozimli amaldorlari qo‘lga olingan. Hammasi bo‘lib 14 nafar sobiq va amaldagi mansabdor shaxslarga ayblovlar e’lon qilingan. AQSh adliya vazirligi ma’lumotlariga ko‘ra, gumonlanuvchilar 24 yil ichida 150 mln dollarga yaqin pora olishgan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
BAAda isroillik ravvin o‘ldirib ketildi
Medvedev: Maxsus harbiy operatsiya uchun qurollarning aksariyati Rossiyada ishlab chiqariladi
2050 yilda 1,2 milliardgacha odam yashash joyini tark etadi
Olimlar qahvaning ichakdagi bakteriyalar tarkibiga ta’sirini aniqladi
Qur’onni yoqqani uchun qamalgan Nikita Juravelga yangi hukm o‘qildi
Finlandiyada omon qolish kurslariga yozilayotgan ayollar soni keskin oshdi
Kiyev va Moskva o‘rtasidagi tinchlik muzokaralari: u qanday ko‘rinishda bo‘lishi mumkin?
Superliga. 2025 yilgi mavsum qachon start olishi ma’lum qilindi
