155 mingdan ortiq aholiga ega, maydoni 444 kvadrat kilometrdan oshmaydigan kichik Kyurasao oroli futbol olamini qattiq larzaga soldi - ular jahon chempionatiga tarixiy yo‘llanmani qo‘lga kiritdi va mundialga yo‘l olgan eng kichik davlat sifatida tarixga kirdi.
Bu natija orol uchun nafaqat sport g‘alabasi, balki milliy ruhni to‘liq yoritgan o‘ta muhim voqea bo‘ldi. Mahalliy muxlislar tun bo‘yi maydonlarda, markaziy ko‘chalar va katta ekranlar atrofida to‘planib, jamoaning tarixiy yutug‘ini olovli tomoshalar, qo‘shiqlar va bayramlar bilan nishonladilar. Ko‘rinib turgan kadrlar xalqning quvonchi qanchalik oshganini yaqqol ko‘rsatib turibdi.
Minglab odamlar bayroqlar bilan orol bo‘ylab yugurib o‘tishdi, bir-birlarini quchoqlashdi va tarixiy kechani o‘tkazish uchun har bir lahzani telefonlariga kiritishdi. Hech kimning uyga qaytgisi kelmadi - bu kecha ular uchun shunchaki futbol g‘alabasi emas, balki butun millatning orzusi ushalgan kun bo‘ldi.
Kyurasao jamoasi bu natijaga osonlikcha erishmadi. Yillar davomidagi mashaqqatli mehnat, yangi avlod futbolchilarining sa’y-harakatlari, tizimli ishlar va ishonch - bularning barchasi ajoyib kunlarning birida o‘z samarasini berdi. Jahon chempionatiga chiqish orol tarixidagi eng yirik sport yutug‘i sifatida qayd etildi.
Hozir orolda faqat bitta savol bor - ular jahon chempionatida yana qanday mo‘jizalar ko‘rsatishi mumkin? Muxlislar bu jamoadan yangi o‘zgarishlarni kutishmoqda, chunki g‘olibona ruh va ta’bir joiz bo‘lsa, "kichik davlatning katta yuragi" ularga qanot bag‘ishladi.
Kyurasao uchun bu kun avloddan avlodga o‘tib kelayotgan abadiy esdalik shon-sharaf belgisidir.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
