VI Islom birdamligi o‘yinlarida navbatdagi kun ham ortda qoldi va bu safar ham O‘zbekiston delegatsiyasi o‘zining barqaror natijalari bilan ko‘pchilikni quvontirishga muvaffaq bo‘ldi. Sportchilarimiz bir kunda jami 11 ta medalni qo‘lga kiritdi — 3 ta oltin, 4 ta kumush va 4 ta bronza.
Oltin medallar
Bu bosqichda eng yuksak natijani quyidagi sportchilar qayd etdi:
— yengil atletikada uzunlikka sakrash bo‘yicha Anvar Anvarov;
— erkaklar o‘rtasida jamoaviy rapira bo‘yicha qilichbozlarimiz;
— ayollar jamoaviy shpaga bo‘yicha terma jamoa vakillari.
Kumush medallar
Kumush mukofot sohibi bo‘lgan sportchilar quyidagilar:
— ayollar kurashida -68 kg vaznda Svetlana Oqnazarova;
— yengil atletikada ko‘pkurash yo‘nalishida O‘g‘iloy Norboyeva;
— ayollar jamoaviy sablya bӯyicha qiluchbozlarimiz;
— erkaklar jamoaviy sablya bellashuvida terma jamoa.
Bronza medallari
Bronza g‘oliblari ham bugungi muvaffaqiyatga o‘z hissasini qo‘shdi:
— para yengil atletikada nayza uloqtirish bo‘yicha Natalya Semyonova;
— erkin kurashda -57 kg vaznda G‘ulomjon Abdullayev;
— erkin kurashda -65 kg vaznda Umidjon Jalolov;
— ayollar kurashida -62 kg vaznda Nigina Sobirova.
Milliy Olimpiya qo‘mitasi ma’lumotiga ko‘ra, sportchilarimiz har bir yo‘nalishda qat’iyat va iroda namoyish etib, mamlakat sharafini munosib himoya qildi. Ularning bugungi natijalari umumiy jamoaviy hisobda ham O‘zbekiston termasining maqomini mustahkamlab bormoqda.
Terma jamoamiz musobaqaning qolgan kunlarida ham yana yangi medallar va yuqori natijalar bilan muxlislarni xursand qilishiga ishonch katta.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
