Rabiot tan oldi: "Yuve"ga faqat Allegri uchun o'tgan edim

Fransuz yarim himoyachisi Adrien Rabiot Massimiliano Allegri uning futbolchilik faoliyatida alohida oʻrin tutishini taʼkidladi. Uning soʻzlariga koʻra, Rabiot 2019-yilda "Yuventus"ga aynan Allegri bilan suhbatdan soʻng oʻtishga qaror qilgan.

"Men 2019-yilda "Yuventus"ni faqat Allegri tufayli tanlagan edim. Biz qaror qabul qilishimdan avval uchrashgan edik va u menga juda yoqdi.

Ammo Turinga koʻchib oʻtganimda, u jamoada emas edi. Allegri 2021-yilda qaytdi va biz ajoyib ish munosabatlarini oʻrnatdik", – deydi Rabiot pianetamilan.it nashriga bergan intervyusida.

Eslatib oʻtamiz, Rabiot fransuzning "Marsel" klubidan "Milan"ga oʻtgan. Bungacha u "PSJ" safida ham oʻynagan.