“Liverpul” hujumchisi Muhammad Saloh “Lids”ga qarshi o‘yindan so‘ng sukutni buzdi, unda u yana zaxirada qoldi. Misrlik yulduz ketma-ket uchinchi o‘yinda asosiy tarkibga kiritilmadi.
Arne Slot nafaqat uni boshlang‘ich tarkibga qo‘shmadi, balki shanba kungi 3:3 hisobidagi durang o‘yinda ham maydonga tushirmadi.
"Bu men uchun qabul qilib bo‘lmas holat.Nega bunday vaziyatga tushib qolganimni bilmayman. Men “Liverpul” uchun juda ko‘p ishlar qildim va har kuni o‘z imkoniyatlarimni yana-yanadan isbotlashim shart emas – men asosiy tarkibda o‘rin olishga haqliman.
Murabbiy bilan yaxshi munosabatlarimiz bor edi, lekin birdan hammasi buzildi. Nega bunday bo‘lganini bilmayman. Menga ko‘ra, kimdir meni klubda ko‘rishni istamayapti", – dedi Muhammad Saloh Anfield Sector nashriga.
Mersisayd klubi hozirda Angliya Premer-ligasi turnir jadvalida sakkizinchi o‘rinni egallab turibdi. Shu bilan birga, ko‘plab mish-mishlarga ko‘ra, Arne Slot ishdan bo‘shatilish xavfi ostida.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
