Beloʻus: "Infantino Trampga moyilligini koʻrsatdi"

Moskvaning "Lokomotiv" klubi sobiq vitse-prezidenti Yuriy Beloʻus FIFA prezidenti Janni Infantinoni JCH-2026 qur’a marosimidan soʻng tanqid qildi. Bu haqda u "Evro-Futbol.Ru" nashriga bergan intervyusida oʻz fikrlarini bildirdi.

"Bilamizki, Infantino Trampga yana bir bor moyilligini koʻrsatishdan zavq oladi. Bu qur’a marosimida Trampning saylov kampaniyasida ishlatilgan sevimli qoʻshiqlari yangraganida ham koʻrinib turdi.

Bu qoʻshiq Amerika repertuaridagi eng yaxshi asar deb boʻlmaydi. Shuningdek, unga mukofot topshirilishi ham shuni tasdiqlaydi.

Tramp yoshi ulugʻ inson, bunday sovgʻalarni katta mamnuniyat bilan qabul qiladi. Shuning uchun odamlar tabassum qilishdi, kulishdi.

Ammo bu, albatta, tarixda ilk bor 48 ta jamoa qatnashadigan Jahon chempionatini bekor qilmaydi. Endi Kurasao kabi kichik davlatlar ham oʻynaydi", dedi Beloʻus.

Qur’a tashlash marosimi davomida FIFA prezidenti Donald Trampni Tinchlik mukofoti bilan taqdirladi. Jahon chempionati – 2026 AQSh, Meksika va Kanada mezbonligida 11-iyundan 19-iyulgacha boʻlib oʻtadi.

Unda rekord darajada koʻp jamoa – 48 ta ishtirok etadi. “Zamin”ni Telegramʻda oʻqing!