Angliya futbolchisi hujumda gumon qilindi

Kecha xabar berganimizdek, taniqli ingliz futbolchisi jinoyatga qoʻl urib, bir kishini jiddiy jarohatlagani haqida maʼlumot paydo boʻlgandi. Endi gumondorning kimligi maʼlum boʻldi — bu Angliya terma jamoasida ham oʻynagan Ayven Toni.

Hozirda u Qatarda faoliyat koʻrsatmoqda, ammo shaxsiy ishlari sabab Londonga kelgan. Koʻchada uni bir guruh muxlislar tasodifan tanib qolishgan.

Ulardan biri, ehtimol, mast holda boʻlib, oʻzini nooʻrin tutgan — u futbolchiga yaqinlashib, boʻynidan quchoqlashga uringan. Bu haqda "The Sun" nashri xabar berdi.

Toni bu harakatni tahdid sifatida qabul qilib, muxlisga bosh bilan yuziga zarba bergan. Jabrlanuvchi yerga yiqilib, burnidan qon oqib ketgan.

Hodisa joyida boʻlgan politsiya xodimlari Toniyni qoʻlga olishgan, ammo keyinroq uni garov evaziga ozod qilishgan. Hozirda Toni oʻz jamoasi safiga qaytgan va Angliyani tark etgan.

“Zamin”ni Telegramʻda oʻqing!