Liverpul Saloh o'rniga Bornmut vingerini sotib olmoqchi

Bornmut vingeri Antuan Semenyo Angliya Premyer-ligasi amaldagi chempioni «Liverpul»ning transfer ro'yxatidan joy oldi. Indykaila News ijtimoiy tarmoqlarda tarqatgan xabarga ko'ra, mersisaydliklar «giloslar»ga 25 yoshli futbolchini sotib olish bo'yicha rasmiy taklif yuborgan.

Manbada ta'kidlanishicha, Semenyo «qizillar» hujum chizig'ida misrlik Muhammad Salohning o'rnini bosishi mumkin. Salohning klubdagi munosabatlari so'nggi paytda yomonlashgani qayd etilgan.

Ganadagi futbolchining bozor qiymati 65 million yevroga baholanmoqda. Joriy mavsumda Semenyo «Bornmut» safida 15 uchrashuvda maydonga tushib, 6 ta gol urdi va 3 ta golli uzatma muallifi bo'ldi.
“Zamin”ni Telegramʻda oʻqing!