Rossiya futbol ittifoqining sobiq prezidenti Vyacheslav Koloskov PSJ darvozaboni Matvey Safonov olgan jarohat haqida fikr bildirdi. Safonov Braziliyaning “Flamengo” klubiga qarshi Qit'alararo kubok finalida chap qo'lining old qismidan jarohat oldi.
Shunga qaramay, u o'yindan keyingi penaltilar seriyasida to'rtta zarbani qaytardi. “Singan qo'l bilan penalti qaytarish — yuksak, fenomenal natija.
Matveyga tezroq sog'ayib ketishini tilayman. U endigina asosiy darvozabon sifatida maydonga chiqishni boshlagandi”, — deya Koloskovning so'zlarini “Match TV” keltirdi.
Joriy mavsumda Safonov 4 ta uchrashuvda maydonga tushib, 3 ta gol o'tkazib yubordi. U 2 ta o'yinda darvozasini daxlsiz saqlab qoldi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
