Rabio 2005 yilgi finalni eslab, «Milan»ga muxlisligini aytdi

Fransiyalik yarim himoyachi Adrien Rabio bolaligidan «Milan»ga muxlislik qilib kelishini ta’kidladi. Gap u hozir to‘p surayotgan klub haqida ketmoqda.

Rabioning aytishicha, u 2005 yilgi Chempionlar ligasi finalini yaxshi eslaydi: o‘sha o‘yinda «Milan» uchrashuv davomida 3:0 hisobida oldinda borib, yakunda «Liverpul»ga dramatik tarzda yutqazgan. «Men «Liverpul»ga qarshi o‘sha o‘yinni eslayman.

Ammo «Milan» yutganida ham, yutqazganida ham baribir alohida klub bo‘lgan. Ularda juda kuchli Zeydorf bor edi, uzoq paslarni aniq uzatadigan ijodkor Pirlo bor edi.

Bu menga yoqadigan sifat. Boshqalardan, ehtimol, menda yetishmaydigan jihatlarni kuzatib o‘rganishni yaxshi ko‘raman», — deya Rabioning so‘zlarini pianetamilan.it keltirdi.

Avvalroq Rabio Italiyada Turin «Yuventus»i safida ham o‘ynagan. “Zamin”ni Telegramʻda oʻqing!