A Seriyasining 17-turida Rimdagi bahsda "Roma" uchrashuvni juda yuqori tempda boshladi va ilk daqiqalardayoq natijani o'z tomoniga og'dirishga ulgurdi. Bu haqda euro-football.ru xabar beradi.
14-daqiqada "Jenoa" himoyasidagi xatodan so'ng Matias Soule vaziyatdan foydalandi: uzatmaga yo'l ochilib ketdi, zarba yo'nalishi o'zgargach to'p darvozabon uchun noqulay bo'lib, hisob 1:0 ga aylandi. Oradan ko'p o'tmay Evan Fergyuson ham xavfli hujum uyushtirib, jarima maydoni chetidan tepdi, biroq darvozabon zarbani burchakka chiqarib yubordi.
19-daqiqada rimliklar yana aniq ishladi: o'ng qanotdan uzatma markazga tushdi, Fergyuson to'pni Kua'dio Konega oshirdi va u darvozaning o'ng burchagini aniq nishonga oldi — 2:0. 31-daqiqada esa "Roma" uchinchi bor raqibni jazoladi: Soule pressingda to'pni olib qo'ydi, darvozabon bilan duelda omad yetishmadi, lekin qaytgan to'pga birinchi bo'lib Fergyuson yetib kelib, hisobni yiriklashtirdi — 3:0.
Ikkinchi bo'limda ham "Roma" o'yinni nazorat qildi. Fergyuson uzatmasidan keyin Brayan Kristante jarima maydoni chizig'i yaqinidan bir teginishda kuchli zarba yo'lladi, ammo darvozabon sakrab to'pni burchakka chiqarib qutqardi. Uchrashuv oxirida, 87-daqiqada "Jenoa" baribir bittasini qaytardi: Jeff Ehator chap qanotdan zarba berdi, to'p Nikolo Pizillining ko'kragiga tegib yo'nalishini o'zgartirdi va darvozaga kirib ketdi — 3:1.
Bu g'alabadan so'ng "Roma" turnir jadvalida "Yuventus"ni ortda qoldirib, to'rtinchi o'ringa ko'tarildi. "Jenoa" esa quyi liga zonasiga yaqin, xavfli hudud ustidagi pog'onada qolib ketdi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
