Yuventus yangi sport direktorini rasman e'lon qildi

"Yuventus" rasmiy sayti orqali klubning yangi sport direktori nomini ma'lum qildi. Bu lavozimga Marko Ottolini tayinlandi va u "keksa sinyora" bosh ijrochi direktori Damyen Komolliga bo'ysunadi. Bu haqda euro-football.ru xabar beradi.

Ottolini bir necha oy avval "Jenoa"dagi sport direktori vazifasini tark etgandi. Mutaxassis avval ham "Yuventus" tizimida ishlagan: u skaut bo'lib faoliyat yuritgan hamda ijaraga berilgan futbolchilar bo'yicha mas'ul sifatida ish olib borgan.

Ayni paytda "Yuventus" A Seriya turnir jadvalida 5-o'rinda bormoqda. Jamoaning navbatdagi uchrashuvi 3-yanvar, shanba kuni o'z maydonida "Lechche"ga qarshi bo'lib o'tadi.