A Seriyasining 19-turidagi so'nggi uchrashuvlarda "Milan" "Jenoa"ga qarshi o'yinda dramatik yakunda hisobni zo'rg'a tenglashtirdi. Bahsdan keyin Massimiliano Allegri va futbolchilar kayfiyati tushganini yashirmadi, biroq mezbonlar ustozi Daniele de Rossi ham natijadan to'liq qoniqmadi. Bu haqda euro-football.ru xabar beradi.
De Rossining aytishicha, jamoa muhim g'alabaga juda yaqin kelgan: "Ko'nglim qolgan, xafa bo'ldim. Biz muhim g'alabadan millimetrlar masofasida edik. O'yindan oldin durang ham yomon emasdek tuyulardi, ammo o'yindan keyin hamma aynan shu durangdan norozi bo'lib qoldi", — deya uning so'zlarini pianetamilan.it keltirdi.
Keyingi turda "Jenoa" "Kalyari"ga qarshi maydonga tushadi. Uchrashuv 12-yanvar, dushanba kuni bo'lib o'tadi.
“Zamin”ni Telegramʻda oʻqing!
