"Himki"ning sobiq futbolchisi Aleksey Nikitin Italiya A Seriyasining 19-turida "Milan" va "Genoa" o'rtasidagi bahs yakuniga munosabat bildirdi. Bu haqda euro-football.ru xabar beradi.
Massimiliano Allegri boshqaruvidagi jamoa o'z maydonida chempionat autsayderlaridan biri bilan ochko bo'lishib oldi — 1:1.
Nikitinning ta'kidlashicha, birinchi bo'limda "Genoa" ancha faolroq ko'ringan, "Milan" esa raqibni bosim ostiga ola olmagan. "Meningcha, 'Genoa' bunday o'yinda mag'lub bo'lishga loyiq emas edi", — dedi u "Match TV" efirida.
Bu natija "Milan" uchun yetakchi "Inter"ga yanada yaqinlashib olish imkoniyatini qo'ldan boy berish bilan barobar bo'ldi.
Eslatib o'tamiz, "Genoa"da yaqinda bosh murabbiy almashdi: jamoani Daniele De Rossi qabul qilib oldi.
“Zamin”ni Telegramʻda oʻqing!
