Italiyalik sobiq futbolchi Paolo di Kanio Antonio Kontening avvalgi ish uslubini eslab, uni Simone Indzagi bilan taqqosladi. U Konte hozir «Napoli»ni boshqarayotgan bo‘lsa-da, fikrlarini murabbiy milanlik «Inter»da ishlagan davriga qaratdi. Bu haqda euro-football.ru xabar beradi.
Di Kanioga ko‘ra, Kontening «Inter»dagi asosiy merosi — natija uchun har qanday narxda kurashadigan mentalitetni shakllantirgani. Uning aytishicha, Konte jamoaga ijobiy bosim o‘tkazib, hammani oxirgi tomchigacha ishlashga, harakatdan to‘xtamaslikka majbur qilgan.
Indzagi esa, di Kanio fikricha, biroz erkinroq yondashuvni tanlagan: futbolchilarni haddan tashqari siqmagan, natija uchun “jon berishga” majburlamagan. Di Kanioning so‘zlarini fcinter1908.it keltirdi.
Eslatib o‘tamiz, Antonio Konte 2021 yilda «Inter»ni tark etgan — jamoa bilan Skudettoga erishganidan so‘ng.
“Zamin”ni Telegramʻda oʻqing!
