Angliya Premer-ligasi yanvar oyining eng yaxshi murabbiyi sovrini uchun da’vogarlar ro‘yxatini rasman e’lon qildi. Mavsumning qiziq pallasida har bir ochko oltinga teng bo‘lib turgan bir paytda, murabbiylar natija bilan ham, uslub bilan ham o‘zini ko‘rsatishga harakat qilayapti.
Bu safargi ro‘yxatda to‘rt mutaxassis bor — har biri yanvar oyidagi o‘yinlar kesimida jamoasiga maksimal foyda keltirgani bilan ajralib turibdi.
Yanvar oyi murabbiyi mukofoti uchun nomzodlar:
Maykl Kerrik («Manchester Yunayted»)
- 2 ta bahs — 2 g‘alaba, to‘plar farqi +3
Kerrik jamoasini qisqa vaqtda ham “rejim”ga sola oldi: ikki o‘yin, ikki zafar. Kam o‘yin bo‘lsa ham, xato deyarli yo‘q — natija joyida.
Liam Rosenior («Chelsi»)
- 3 ta bahs — 3 g‘alaba, to‘plar farqi +5
Roseniorning yanvari — toza “ideal”. Uchta uchrashuvning uchalasida ham g‘alaba, ustiga ustak, raqiblarga yutqazmaydigan foydali to‘plar farqi.
Shon Daych («Nottinghem Forest»)
- 4 ta bahs — 2 g‘alaba, 1 durang, 1 mag‘lubiyat, to‘plar farqi +1
Daych an’anaviy tarzda jamoasini qattiqqo‘l va intizomli ruhda ushlab turdi. Bir oy ichida turlicha natija qayd etilgan bo‘lsa ham, ijobiy balans saqlanib qolgan.
Andoni Iraola («Bornmut»)
- 5 ta bahs — 3 g‘alaba, 1 durang, 1 mag‘lubiyat, to‘plar farqi +3
Iraola esa ko‘proq o‘yinda barqarorlik ko‘rsatdi. Beshta bahsda uch g‘alaba — bu APLdek ligada juda jiddiy ko‘rsatkich. To‘plar farqi ham yaxshi.
Endi eng qiziq joyi: mukofot sohibi muxlislar va ekspertlar ovoz berish natijalariga ko‘ra aniqlanadi. Ya’ni, maydondagi raqamlar muhim, lekin ta’sir, kayfiyat va “ko‘zga ko‘ringan mehnat” ham hal qiluvchi rol o‘ynashi mumkin.
Siz kimga ovoz bergan bo‘lardingiz?
“Zamin”ni Telegramʻda oʻqing!
