Anxel di Mariya vataniga qaytgach, dastlabki o'yinlarda yaxshi taassurot qoldirdi, biroq tez orada uning atrofida salbiy fon kuchaya boshladi. Muammo natijalardan ko'ra ko'proq raqiblar va muxlislar noroziligi bilan bog'liq: ular tajribali vinger maydonda tez-tez simulyatsiya qiladi, deb hisoblamoqda. Bu haqda euro-football.ru xabar beradi.
Argentina chempionati muhokama qilinadigan forumlarda «nega di Mariyaga hiylalari uchun ogohlantirish berilmaydi», «u yulduz, ammo bu harakatlar joniga tegdi», «bunday futbolchining penalti so'rab yiqilishga urinishi achinarli» kabi fikrlar ko'paygan. Sobiq «Manchester Yunayted» va «Real» futbolchisi hozirda «Rosario Sentral» safida o'ynamoqda va aynan shu mavzu uning o'yinlaridan keyingi eng ko'p muhokama qilinayotgan masalaga aylangan.
“Zamin”ni Telegramʻda oʻqing!
