"Inter" himoyachisi Alessandro Bastoni A Seriyada "Yuventus"ga qarshi o'yinda o'z harakati bilan xato qilganini tan oldi. Uchrashuvning 42-daqiqasida Bastoni bilan bo'lgan kontaktdan so'ng Pyer Kalyulyu ikkinchi sariq kartochkasini olib, maydonni tark etdi. Bu haqda euro-football.ru xabar beradi.
Epizoddan keyin Bastoni hissiyotlarini yashirmadi va bu ko'plab muxlislar hamda mahalliy OAV orasida keskin norozilik uyg'otdi. Hatto ayrimlar futbolchini terma jamoa ro'yxatidan chetlatish kerakligini ham aytishdi.
"Shanba kuni bo'lgan voqea haqida ko'p gapirildi. Men kontaktni his qildim, ammo mening reaksiyam ancha bo'rttirilgan ko'rinadi. Men bu yerga mas'uliyatni o'z zimmamga olish uchun keldim. Eng ko'p hafsalani pir qilgani — chetlatishdan keyin o'zimni qanday tutganim. Buni shuning uchun aytyapman: har kim xato qilishi mumkin, lekin har kim uni tan olishi ham shart", — dedi Bastoni Sky Sportga.
Ta'kidlanishicha, Italiya hakamligi rahbariyati ushbu vaziyatda referi qarori xato bo'lganini tan olgan. Shunga qaramay, Kalyulyu baribir jamoasining navbatdagi uchrashuvini o'tkazib yuboradi.
“Zamin”ni Telegramʻda oʻqing!
