Rossiya terma jamoasining sobiq bosh murabbiyi, hozirda «Ahmat»da faoliyat yuritayotgan Stanislav Cherchesov «PSJ» darvozaboni Matvey Safonovning fransuz grand klubidagi o‘yinlari haqida fikr bildirdi. Bu haqda euro-football.ru xabar beradi.
Mutaxassis ta’kidlashicha, «PSJ» kabi yirik jamoalarda futbolchining pasporti emas, maydondagi darajasi baholanadi.
— U «PSJ»da o‘z saviyasini ko‘rsatyapti. Maydondagi ishi orqali yevropaliklarga Rossiyada ham futbol borligini anglatyapti. Men uchun Safonov birinchi raqamga aylandi, buni «PSJ» safida Shevalye qanday o‘ynayotganini ko‘rganimdan keyin yanada aniq his qildim, — deya Cherchesovning so‘zlarini «Match TV» keltiradi.
Joriy mavsumda Safonov barcha musobaqalarda 9 ta uchrashuvda maydonga tushdi, 10 ta gol o‘tkazib yubordi va 3 marta darvozasini daxlsiz saqlab qoldi.
“Zamin”ni Telegramʻda oʻqing!
