“Bolonya” A Seriyaning 26-turida “Udineze”ni minimal hisobda mag‘lub etib, nihoyat uzoq kutilgan g‘alabaga erishdi. Uchrashuvda Santyago Kastro deyarli to‘liq o‘ynadi va 85-daqiqada zaxiraga olindi. Bu haqda euro-football.ru xabar beradi.
O‘yin yakunidan so‘ng hujumchi “Bolonya”ning 106 kundan beri g‘alaba qozona olmay kelayotganini eslatib, jamoa nihoyat natijaga ham erishganini ta’kidladi. Kastroning so‘zlariga ko‘ra, jamoa o‘yini yo‘lga qo‘yilgan bo‘lsa-da, g‘alaba uzoq vaqt qo‘lga kirmagan, endi esa bu Yevropa Ligasi qaytishi arafasida ayniqsa muhim.
“Hujumchi sifatida gol urishni yoqtiraman, ammo undan ham ko‘proq jamoaning yutug‘i va jamoaviy o‘yinini qadrlayman”, — deya Kastroning fikrlarini keltiradi bolognafc.it. Bu g‘alabadan keyin “Bolonya” A Seriya turnir jadvalida sakkizinchi pog‘onaga ko‘tarildi.
“Zamin”ni Telegramʻda oʻqing!
