"Yuventus"ga tegishli bo‘lib, ijara asosida "Latsio" safida o‘ynayotgan tayanch yarimhimoyachi Nikkolo Rovella jarrohlik amaliyotini muvaffaqiyatli o‘tkazdi. Rim klubi matbuot xizmati futbolchining holati ijobiy ekanini ma’lum qildi. Bu haqda euro-football.ru xabar beradi.
Rovella Italiya A seriyasining 26-turida "Kalyari"ga qarshi uchrashuvda (0:0) o‘ng o‘mrov suyagini sindirib olgandi. Mazkur o‘yin 21 fevral kuni bo‘lib o‘tgan, endi u yaqin kunlarda maxsus reabilitatsiya dasturi bo‘yicha shug‘ullanishni boshlaydi.
24 yoshli yarimhimoyachi Italiya terma jamoasida 1 ta o‘yinda maydonga tushgan. Klub mavsumida esa u 9 uchrashuvda ishtirok etib, 1 ta golli uzatma muallifi bo‘ldi. Futbolchi sentyabrdan yanvargacha osteomiyelit sabab maydonga tusha olmagandi.
“Zamin”ni Telegramʻda oʻqing!
