Saudiya Arabistonining «Al-Nasr» klubida to'p surayotgan futbol superyulduzi Krishtianu Ronaldu ijtimoiy tarmoqlarda amerikalik tog' chang'ichisi Lindsi Vonnni ruhlantiruvchi so'zlar bilan qo'llab-quvvatladi. Sportchi 2026 yilgi qishki Olimpiadada og'ir jarohat olgani xabar qilindi. Bu haqda euro-football.ru xabar beradi.
41 yoshli portugaliyalik hujumchi o'z murojaatida Vonnning irodasini alohida ta'kidladi: «Sen zabt etgan hech bir cho'qqi sening kuching bilan tenglasha olmaydi. Kurashni davom ettirish kerak. Afsonalar doim yana turib ketadi», — deya yozdi Ronaldu.
Ma'lumot uchun, Krishtianu 2023 yil yanvaridan beri Saudiya Arabistonida faoliyat yuritmoqda. Uning «Al-Nasr» bilan amaldagi shartnomasi 2027 yil iyun oyi oxirigacha mo'ljallangan, futbolchining transfer narxi esa 12 million yevroga baholanmoqda.
“Zamin”ni Telegramʻda oʻqing!
